Hotel Merien Բարի Գործ հիմնադրամ
ԱՄՆ-ում առաջինը բացված տեղամասերից մեկում հաղթել է Բայդենը, մյուսում՝ Թրամփը

ԱՄՆ-ում առաջինը բացված տեղամասերից մեկում հաղթել է Բայդենը, մյուսում՝ Թրամփը

12:02 | 03.11.2020 | Քաղաքականություն

ԱՄՆ-ում առաջինը բացված տեղամասերից մեկում հաղթել է Բայդենը, մյուսում՝ Թրամփը
 
 

ԱՄՆ գործող նախագահ Դոնալդ Թրամփը եւ դեմոկրատների առաջադրած ԱՄՆ նախագահի թեկնածու Ջոզեֆ Բայդենը Նյու Հեմփշիր նահանգում ոչ մեծ քաղաքներում սկսված ԱՄՆ համընդհանուր ընտրությունների քվեարկության արդյունքներով մեկական հաղթանակ են ունեցել, փոխանցում է ՏԱՍՍ-ը։ 

Բայդենը հաղթել է Կանադային սահմանամերձ Դիքսվիլ-Նոթչում։ Ըստ ավանդույթի, որը ստեղծվել է 1960 թվականին, այս բնակավայրում քաղաքացիներն իրավունք ունեն թեկնածուների վերաբերյալ իրենց նախապատվություններն արտահայտել տեղական ժամանակով կեսգիշերին (Երեւանի ժամանակով 09:00), այսինքն՝ մի քանի ժամ առաջ մինչեւ երկրի մյուս հատվածներում տեղամասերի բացվելը։ Այս իրավունքը վիճարկում է պակաս հայտնի քաղաք Միլսֆիլդը, որը մոտ 20 կմ հարավ է գտնվում։

Դիքսվիլ-Նոթչում քվեարկությունն ավարտվել է սկսվելուց հետո արդեն մի քանի րոպե անց, այդքան էլ պահանջվել է քվեաթերթիկների մշակման համար։ Արդյունքները ցուցադրվել են Facebook-ում ուղիղ հեռարձակման ժամանակ։ Հինգ մարդ քվեարկել է Բայդենի օգտին։ Ոչ մի ընտրող չի աջակցել հանրապետական Թրամփին։

Միլսֆիլդում հաղթել է Թրամփը՝ ստանալով 16 ձայն, հայտնել է СNN հեռուստաալիքը։ Բայդենին աջակցել է 5 ընտրող։

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси