Hotel Merien Բարի Գործ հիմնադրամ
Կարմիր խաչը հույս ունի պահպանել Ղարաբաղում հրադադարի ռեժիմը՝ աջակցի մարտերում զոհվածների մարմինների տեղափոխմանը

Կարմիր խաչը հույս ունի պահպանել Ղարաբաղում հրադադարի ռեժիմը՝ աջակցի մարտերում զոհվածների մարմինների տեղափոխմանը

15:29 | 13.10.2020 | Հասարակություն

Կարմիր խաչի միջազգային կոմիտեն (ԿԽՄԿ) հույս ունի, որ Լեռնային Ղարաբաղի հակամարտության կողմերը կհարգեն հրադադարի ռեժիմը, երեքշաբթի Ժնևում կայացած ճեպազրույցում հայտարարել է ԿԽՄԿ-ի Եվրասիայի տարածաշրջանային տնօրեն Մարտին Շուեպը:

«Հուսով ենք, որ հումանիտար զինադադարի մասին համաձայնագիրը կհարգվի և այն զգալի օգուտ կբերի նրանց, ովքեր տուժել են», - ասել է նա:

ԿԽՄԿ-ն պատրաստ է աջակցել մարտերում զոհվածների մարմինների տեղափոխմանը, ինչպես նաև գերի ընկածներին ազատ արձակելուն:

 

«Սակայն, կողմերը պետք է համաձայնության գան իրենց ձևաչափի շուրջ: Մենք շարունակում ենք նրանց հետ քննարկումները՝ առաջարկներ ներկայացնելով», - պարզաբանել է տարածաշրջանային տնօրենը:

Նրա խոսքով՝ կողմերը պետք է համաձայնություններ ձեռք բերեն «գործառնական և նյութատեխնիկական ապահովման» հարցերի շուրջ, և այդպիսի պայմանավորվածությունները պետք է կյանքի կոչվեն:

«Բացի այդ, մեր խմբերի անվտանգությունը պետք է երաշխավորվի, որպեսզի նման գործողություն տեղի ունենա», - ասել է Շուեպը:

Կարմիր խաչի ներկայացուցիչը նշել է, որ իր կազմակերպությունը «ներգրավված չէ քաղաքական բանակցությունների մեջ»: «Մեր դերը բացառապես մարդասիրական է, որպես չեզոք միջնորդ», - եզրափակել է նա:

 

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси