Hotel Merien Բարի Գործ հիմնադրամ
«Պարգևավճար լափող կառույցը մահացած է, ենթակա է թաղման». Ծաղիկներով ակցիա՝ քաղաքապետարանի դիմաց

«Պարգևավճար լափող կառույցը մահացած է, ենթակա է թաղման». Ծաղիկներով ակցիա՝ քաղաքապետարանի դիմաց

12:35 | 07.09.2020 | Քաղաքականություն

«Հանրային վերահսկողության կենտրոն» ՀԿ-ն օգոստոսի 14-ին հարցումներ է ուղարկել Երևանի քաղաքապետարան, թե քաղաքապետ Հայկ Մարությանը որքանո՞վ է իրականություն դարձրել իր նախընտրական խոստումները։ Այսօր ՀԿ ղեկավար Բաբկեն Հարությունյանը միայնակ ակցիա է իրականացնում քաղաքապետարանի դիմաց։

«Պարգևավճար լափող կառույցի սանձարձակությունը հասել է այնտեղ, որ հարցումն ուղարկելուց երկու շաբաթ հետո պատասխանում են, թե այ հիմա խնդիրը կուսումնասիրենք և կկապվենք ձեզ հետ։ Մեկ շաբաթ է անցել և որևէ պատասխան մինչ օրս չկա։ Սա խոսում է ապիկար քաղաքապետի բարձիթողի քաղաքապետարանի գործունեության մասին», - հայտարարեց Բաբկեն Հարությունյանը։

Նա նշեց, թե քաղաքապետը չի կարողացել իր խոստումներն իրականություն դարձնել և հիմա փորձում է հարցերին չպատասխանել։

 

Բաբկեն Հարությունյանը ծաղիկներով էր եկել քաղաքապետարան։

«Սրանք նրա համար են, որ այս կառույցը որպես պետական կառույց մահացած է, ենթակա է թաղման», - ասաց Բաբկեն Հարությունյանը։

Նա թղթի վրա գրավոր հարցերը ծաղիկների հետ շաղ տվեց քաղաքապետարանի դիմաց։

«Եթե օրենքով սահմանված կարգով չեն պատասխանում, ուրեմն իրենց հետ պետք է խոսել այս լեզվով», - ասաց նա:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси