Hotel Merien Բարի Գործ հիմնադրամ
ԱԻՆ-ը վարակազերծել է Վարդենիսի հիվանդանոցը, պոլիկլինիկան, շտապօգնության 6 մեքենաները և վարակված քաղաքացու տունը (ֆոտո)

ԱԻՆ-ը վարակազերծել է Վարդենիսի հիվանդանոցը, պոլիկլինիկան, շտապօգնության 6 մեքենաները և վարակված քաղաքացու տունը (ֆոտո)

15:31 | 23.04.2020 | Հասարակություն

ԱԻՆ-ը վարակազերծել է Վարդենիսի հիվանդանոցը, պոլիկլինիկան, շտապօգնության 6 մեքենաները և վարակված քաղաքացու տունը (ֆոտո)

Արտակարգ իրավիճակների նախարարության Փրկարար ծառայության Բնակչության պաշտպանության և աղետների ռիսկի նվազեցման վարչության Ճառագայթային, քիմիական և կենսաբանական իրավիճակի մոնիտորինգի բաժնի մասնագիտացված թիմը՝ Գեղարքունիքի մարզային փրկարարական վարչության փրկարարների ներգրավմամբ, ապրիլի 22-ին իրականացրել է Գեղարքունիքի մարզի Վարդենիս քաղաքի հիվանդանոցի (3300 քմ մակերեսով), պոլիկլինիկայի (1800 քմ մակերեսով), շտապօգնության 6 մեքենաների, ինչպես նաև կորոնավիրուսի վարակով հաստատված քաղաքացու առանձնատան վարակազերծման աշխատանքներ։

Մասնագետները պահպանել են անվտանգության բոլոր կանոնները։

ՀՀ պարետ Տիգրան Ավինյանի 21 ապրիլի, 2020 N 48 որոշման համաձայն՝ Գեղարքունիքի մարզի Վարդենիս համայնքի վարչական սահման մուտք գործելու և վարչական սահմանից ելք կատարելու համար սահմանվել է հատուկ ռեժիմ՝ արգելելով անձանց և տրանսպորտային միջոցների մուտքն ու ելքը՝ բացառությամբ առաջին անհրաժեշտության ապրանքների, պարագաների, սննդամթերքի, դեղորայքի ու վառելիքի մատակարարման։

Սահմանափակումները կգործեն մինչև ապրիլի 28-ը` ժամը 23:59-ը։

Արտակարգ իրավիճակների նախարարությունը հետևողական է վարակազերծման աշխատանքների իրականացման հարցում։

 

 

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси