Hotel Merien Բարի Գործ հիմնադրամ
Ռուբենի հետ ինձ կապում էր ուսանողական տարիներից սկսած բարեկամությունը. ՀՀ նախագահ (ֆոտո)

Ռուբենի հետ ինձ կապում էր ուսանողական տարիներից սկսած բարեկամությունը. ՀՀ նախագահ (ֆոտո)

18:39 | 21.04.2020 | Հասարակություն

Ռուբենի հետ ինձ կապում էր ուսանողական տարիներից սկսած բարեկամությունը. ՀՀ նախագահ (ֆոտո)
 

Հանրապետության նախագահ Արմեն Սարգսյանը ցավակցական ուղերձ է հղել Ռուբեն Շուգարյանի մահվան կապակցությամբ.

«Խոր կսկիծով եւ ափսոսանքով իմացա ընկերոջս՝ դեսպան Ռուբեն Շուգարյանի անժամանակ մահվան մասին:

Տոհմական մտավորական ընտանիքից սերած կիրթ ու պատրաստված անձն իր անուրանալի հետքն է թողել Հայաստանի երրորդ Հանրապետության պատմության մեջ:

Որպես դեսպան նա Հայաստանն արժանապատվորեն է ներկայացրել Ամերիկայի Միացյալ Նահանգներում եւ Իտալիայում, ինչպես նաեւ Հայաստանի եւ հայ ժողովրդի շահերը պաշտպանել իր հետագա դասախոսական եւ գիտական-վերլուծական աշխատանքներում:

Արտաքուստ մեղմ եւ ընկերական, նա ճշգրիտ եւ սկզբունքային էր խոսքի եւ գործի մեջ:

Ռուբենի հետ ինձ կապում էր ուսանողական տարիներից սկսած բարեկամությունը եւ ընկերությունը, շատ հարցերում մեր հայացքների ու գնահատականների նմանությունը:

Նա մեզնից հեռանում է մի տարիքում, երբ արդեն կուտակել էր փորձ, գիտելիքներ ու միջազգային ճանաչում, որոնք ծառայեցնում եւ դեռ երկար տարիներ կարող էր ծառայեցնել Հայրենիքին:

Հազար ափսոս: Մեր ժողովուրդը կորցրեց իր արժանավոր զավակներից մեկին:

Անդառնալի կորստի այս ծանր պահին իմ եւ Նունեի կողմից խորապես ցավակցում եմ Ռուբենի տիկնոջը, զավակներին եւ բոլոր հարազատներին»:

 

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси