Hotel Merien Բարի Գործ հիմնադրամ
Բաղդադում գնդակահարել են հեռուստաալիքներից մեկի ղեկավարին

Բաղդադում գնդակահարել են հեռուստաալիքներից մեկի ղեկավարին

16:58 | 11.02.2020 | Պատահարներ

Բաղդադում գնդակահարել են հեռուստաալիքներից մեկի ղեկավարին

Երեքշաբթի Իրաքի «Ար Ռաշիդ» արբանյակային հեռուստաալիքի ղեկավարներից մեկը սպանվել է Բաղդադում, հայտնում է Baghdad Al Youm լրատվական պորտալը:

Պորտալի տեղեկություններով՝ հեռուստակայանի գլխավոր կառավարիչ Նիզար Թանունը գնդակահարվել է Իրաքի մայրաքաղաքի արեւմուտքում գտնվող իր տանից դուրս գալուց հետո: Մոտոցիկլետով հարձակվողները նրա վրա կրակել են, ապա փախուստի դիմել անհայտ ուղղությամբ:

Հանցագործության շարժառիթներն առայժմ հայտնի չեն: «Ար Ռաշիդը» անկախ ալիք է, որը հեռարձակվում է Բաղդադից՝ հանդիսատեսին ներկայացնելով ինչպես լրատվական ծրագրեր, այնպես էլ զվարճալի շոուներ:

Մեկ ամիս առաջ՝ հունվարի 10-ին, նույնպիսի հանգամանքներում զոհվել էին «Դիջլյա» արբանյակային հեռուստաալիքի երկու լրագրողներ՝ թղթակից Ահմեդ Աբդել Սամադը եւ օպերատոր Սաֆա Գալին: Բասրա քաղաքում նրանց գնդակահարել էին անհայտ անձինք, երբ լուսաբանում էին այնտեղ ընթացող բողոքի ցույցերը:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси