Hotel Merien Բարի Գործ հիմնադրամ
Էրդողանը Պուտինին առաջարկել է ստեղծել Ղարաբաղի հարցով աշխատանքային խումբ

Էրդողանը Պուտինին առաջարկել է ստեղծել Ղարաբաղի հարցով աշխատանքային խումբ

14:12 | 09.11.2020 | Քաղաքականություն

Թուրքիայի նախագահ Թայիփ Էրդողանը Ռուսաստանի իր գործընկեր Վլադիմիր Պուտինի հետ հեռախոսազրույցների ժամանակ առաջարկել է ստեղծել աշխատանքային խումբ ղարաբաղյան հիմնախնդրի լուծման համար, հայտնում է CNN Turk հեռուստաալիքը՝ հղում անելով դիվանագիտական աղբյուրին:

Ռուսաստանի Դաշնության և Թուրքիայի նախագահները շաբաթ հեռախոսով քննարկել են իրավիճակը Ղարաբաղում: Ինչպես հաղորդել է Կրեմլի մամուլի ծառայությունը, նրանք հաստատել են փոխադարձ պատրաստակամությունը համագործակցել տարածաշրջանում հակամարտության խաղաղ լուծման հասնելու համար:

Հեռուստաալիքի համաձայն՝ Պուտինը ողջունել է Թուրքիայի առաջնորդի առաջարկը. առաջիկա օրերին ղարաբաղյան ճգնաժամի շուրջ բանակցությունները կարող են վերածվել երկկողմ ձևաչափի, որը կգործի ԵԱՀԿ Մինսկի խմբի աշխատանքներից դուրս: Նշվում է, որ նոր խումբը կաշխատի հրադադարի ռեժիմից հետո ժամանակահատվածում միջոցների մշակման և քաղաքական կարգավորման գործընթացն իրականացնելու համար: Հաղորդվում է, որ Էրդողանի ու Պուտինի բանակցություններից հետո երկու երկրների արտգործնախարարները նույնպես հեռախոսային բանակցություններ են վարել:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси