Hotel Merien Բարի Գործ հիմնադրամ
ԺՈՂՈՎՈՒՐԴ ՋԱՆ, ՍԵՌԱԿԱՆ ԴԱՍՏԻԱՐԱԿՈՒԹՅՈՒՆԸ` ԿԱՄԱՍՈՒՏՐԱ ՉԻ. ՀՈՎԻԿ ԱՂԱԶԱՐՅԱՆ

ԺՈՂՈՎՈՒՐԴ ՋԱՆ, ՍԵՌԱԿԱՆ ԴԱՍՏԻԱՐԱԿՈՒԹՅՈՒՆԸ` ԿԱՄԱՍՈՒՏՐԱ ՉԻ. ՀՈՎԻԿ ԱՂԱԶԱՐՅԱՆ

15:17 | 18.09.2020 | Քաղաքականություն

iravunk.com-ը գրում է. 

ԱԺ «Իմ քայլը» խմբակցության պատգամավոր ՀՈՎԻԿ ԱՂԱԶԱՐՅԱՆԸ շատ գոհ է ԿԳՄՍ նախարար Արայիկ Հարությունյանի վարած քաղաքականությունից: «Իրավունքի» հետ զրույցում դա հաստատեց իշխանական պատգամավորը, միաժամանակ հավելելով.

Զարմանում եմ, թե ինչից եք զարմանում

- Ես կարծում, որ երբ ինչ-որ մեկը, ով կատարում է աշխատաք, առավել եւս այդքան ծանրաբեռնվածության աստիճան, ինչպես ԿԳՄՍ ոլորտի աշխատանքն է, հնարավոր չէ ,որ այդ աշխատանքը կատարվի առանց ինչ-ինչ մանր թերությունների:Կարեւորն այն է, թե պատասխանատու անձը ոնց է վերաբերվում այդ թերություններին, ինչ մոտեցում է ցուցաբերում: Եթե այս ամենը հիմք ընդունենք, ապա ես մեր ԿԳՄՍ նախարարի աշխատանքը բավականին բարձր եմ գնահատում, միանշանակ:

- Օրինակ, կատարած ո՞ր աշխատանքներն եք բարձր գնահատում, կկիսվե՞ք:

- Բոլոր, չեմ կարող թվարկել էդպես մանրամասն: Ասում եմ՝ բոլոր:

- Օրինակ, որ ուզում են «Հայ առաքելական եկեղեցու պատմությունը» դպրոցական ծրագրից դուրս մղեն, դա եւս բա՞րձր եք գնահատում:

- «Հայ առաքելական եկեղեցու պատմությունը»`  հայոց պատմության անքակետելի մասն է, եւ այն պետք է ընդգրկված լինի, այո, «Հայոց պատմություն» առարկայի ուսուցման ծրագրում: Շատ նորմալ է, զարմանում եմ, թե ինչից եք զարմանում:

- Ճիշտն ասած, էլ չեմ զարմանում, պարո՛ն Աղազարյան, բայց...

- Գիտեմ` ինչ եք ուզում ասել, «Հայ առաքելական եկեղեցու պատմություն» առարկայի անվան տակ շատ-շատ ուսուցիչներ դուրս էին գալիս իրենց վերապահված շրջանակներից, որը վերապահված էր ծրագրին:

- Օրինա՞կ:

- Ասենք, գնում էր կրոնական քարոզչության:

- Ո՞րն է մեր մայր կրոնի կրոնական քարոզչությունը, պարոն Աղազարյան:

- Դե ես արդեն գիտեմ, որ Դուք էնպիսի հարցեր եք տալու, որ ես մի սկանդալային բան ասեմ: Չգիտեմ ինչու, քո մոտ դա ստացվում է:

- Ես սովորական հարցեր եմ տալիս, պարոն Աղազարյան, խնդրում եմ պատասխանեք:

- Ես Ձեզ եմ չէ՞ ասել, հիմա էլ կրկնում եմ` յոթ տարեկան երեխան չի կարող աղոթել:

- Ինչո՞ւ, ո՞վ է արգելում:

- Յոթ տարեկան երեխան, սիրելիս, հարգելիս, ուղղակի չի կարող:

- Հարգելի պարոն Աղազարյան, բացատրեք` ինչու՞:

- Եթե Դուք ինձ համոզեք, որ յոթ տարեկան երեխան գիտի, թե ինչ է նշանակում Աստված, կրոն, այ, Ձեր հարցին կպատասխանեք:

- Հենց այդ տարիքից չպե՞տք է հասկանա:

- Չէ, էդ պիտի ինքը տարիքի հետ հասկանա: Բայց եթե մի ծնող ուզում է իր երեխային դաստիարակի այդ ուղղությամբ, դրա հնարավորությունը կա: Սակայն, եթե ես իմ երեխային ուղարկում եմ աշխարհիկ դպրոց, ուրեմն իմ երեխան չպետք է, այսպես կոչված, հոգեորսության զոհ դառնա:

- Պարոն Աղազարյան, ըստ Ձեզ՝ քանի՞ տարեկան երեխան պետք է հասկանա աղոթքի իմաստը:

- Երեխան կարող է սկսել մոտավորապես 14-15 տարեկանից:

- Ասացիք, որ երեխան հոգեորսության զոհ չպետք է դառնա: Օրինակ, եթե երեխան դպրոցում սովորում է «Հայր մերը», դա հոգեորսությա՞ն ձեւ է:

- Ես այդպիսի բա՞ն եմ ասում, ես ասում եմ, որ եթե երեխային ստիպում են ասել «Հայր մերը», այ դա, այ՛ո, հոգեորսություն է: Խնդրում եմ բառացի գրեք խոսքերս, գնահատականներ չմտցնեք (պարոն Աղազարյանը կարող է համոզվել, բառ անգամ չենք փոխել: Բայց որ նա հենց այս վերջին պատասխանով ինքն իրեն հակասեց, մենք ի՞նչ անենք- Հեղ.):

- Ինչպես նախորդ անգամները, այնպես էլ այս անգամ ես հրապարակելու եմ Ձեր խոսքերն ամբողջությամբ` բառ առ բառ, անհոգ եղեք: Կարող եք շարունակել:

- Կեցցես, հիմա, եթե ինչ-որ մեկը ստիպում իմ երեխային՝ որպես աղոթք սովորի, դա տգեղ բան է, եւ դա ես որակում եմ` որպես հոգեորսություն: Իսկ եթե որեւէ երեխա արտասանում է «Հայր մերը», ես ոչինչ չունեմ դրա դեմ, իհարկե, չունեմ: Մարդը պիտի ազատ լինի, հիմա կարող ա էդ երեխաների ծնողները, տատիկ-պապիկները այդ ճանապարհն են ընտրել:

- Դա վա՞տ ճանապարհ է:

- Չէ՛, ես չեմ ասում, դա վատ բան է:

 

Ինձ համար` վայ, Աստված ջան ասելը, կամ վայ, մամա ջանը նույն բաներն են

- Դուք երբեք չե՞ք աղոթում:

- Ես կարծում, որ եթե նույնիսկ Աստված կա, եւ ստեղծել է այս ամեն ինչը, ապա մենք պետք է իրեն հանգիստ թողնենք:

- Դուք նաեւ Աստծո գոյությա՞նն եք կասկածով վերաբերվում:

- Ես կարծում, որ եթե Աստված կա, իրեն պետք է հանգիստ թողնենք, երեւի կարեւր գործ ունի` ուրիշ տեղ էլ է մարդկություն ստեղծում:

- Չասացիք, Դուք երբեք չե՞ք աղոթում:

- Երբեք, հա եղել ա, որ ասեմ՝ վայ, Աստված ջան, բայց դա չեմ համարում աղոթք: Ինձ համար` վայ, Աստված ջան ասելը, կամ վայ, մամա ջանը նույն բաներն են, մեկ-մեկ շփոթում եմ:

- Լավ, իսկ ինչպե՞ս եք վերաբերվում դպրոցներում սեռական կրթության հարցին:

- Ես ամենայն մանրամասնությամբ տեղյակ չեմ էդ երեւույթներից, բայց չեմ անհանգստանում: Ես մի բան եմ ուզում ասել հանրությանը՝ Ժողովուրդ ջան, սեռական դաստիարակությունը`  Կամասուտրա չի, երբ Կամասուտրայի մասին երեխաներին տեղյակ պահեն, ա՛յ, էդ ժամանակ կանհանգստանամ, հիմա ի՞նչ  խնդիր եք սարքել:Դաստիարակվեք մի հատ էլ, այ ժողովուրդ, ուրիշ ձեւով դաստիարակվեք:

- Փաստորեն, սեռական դաստիարակությունը նորմալ է, բայց «Հայր մեր» սովորեցնելը` տգե՞ղ:

- Արդեն ասացի, մի էլ քեզ բնորոշ հունից հանի, կգրես, ոնց ասել եմ...

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси