Hotel Merien Բարի Գործ հիմնադրամ
Կիպրոսը Բեյրութում պայթյունի հետ կապված ռուսաստանցու է որոնում

Կիպրոսը Բեյրութում պայթյունի հետ կապված ռուսաստանցու է որոնում

17:45 | 06.08.2020 | Քաղաքականություն

Կիպրոսի անվտանգության ծառայությունները՝ Բեյրութում տեղի ունեցած պայթյունի հետաքննության շրջանակներում, հետախուզում են հայտարարել ռուսաստանցի գործարարի նկատմամբ: Այս մասին հայտնում է հունական «Պրոտո թեման»:

Ըստ պարբերականի՝ 2014 թվականին լիբանանյան իշխանությունները ձերբակալել են Իգոր Գրեչուշկինի նավը և առգրավել 2750 տոննա ամոնիումի նիտրատ: Բեռը տեղափոխվել է նավահանգստի պահեստ, որտեղ գտնվում էր մինչև աղետալի պայթյունը:

«Կիպրոսի իշխանությունները մոբիլիզացվել են և փնտրում են այս պատմության սկզբնակետերը: Ռուսաստանի քաղաքացի Իգոր Գրեչուշկինը, որը կարող է լինել Կիպրոսում, հետախուզվում է անվտանգության ծառայությունների կողմից», - գրում է թերթը:

Օգոստոսի 4-ի երեկոյան Բեյրութի նավահանգստի մոտակայքում հզոր պայթյուն է տեղի ունեցել: Երկրի ՆԳՆ-ն կարծում է, որ պատճառը եղել է 2750 տոննա ամոնիումի նիտրատի ոչ պատշաճ պահպանումը:

Զոհվել է 137 մարդ, մոտ 5 հազարը վիրավորվել է:

 

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси