Hotel Merien Բարի Գործ հիմնադրամ
Դատարանն անհարգելի համարեց Սերժ Սարգսյանի բացակայությունը․ նիստը հետաձգվեց

Դատարանն անհարգելի համարեց Սերժ Սարգսյանի բացակայությունը․ նիստը հետաձգվեց

15:46 | 06.08.2020 | Քաղաքականություն

Երևանի ընդհանուր իրավասության դատարանում՝ դատավոր Վահե Միսակյանի նախագահությամբ, հետաձգվեց ՀՀ երրորդ նախագահ Սերժ Սարգսյանի և մյուսների գործով դատական նիստը։

Սերժ Սարգսյանի պաշտպան Ամրամ Մակինյանը դիմում էր ներկայացրել նախագահող դատավորին՝ նշելով, որ որոշակի կասկածներ ունի կորոնավիրուսի հետ կապված։

Մակինյանը հայտնել էր, թե կորոնավիրուսի թեստ է հանձնել ու սպասում է պատասխանին։

Ամրամ Մակինյանը միջնորդել էր նաև երկրում համավարակի աճի ցուցանիշները հաշվի առնելով՝ հետաձգել դատական նիստը։

Նիստին ներկա չէր նաև Սերժ Սարգսյանը. դատարանն անհարգելի համարեց վերջինիս բացակայությունը։

Դատական հաջորդ նիստը նշանակվեց սեպտեմբերի 3-ին՝ ժամը 15։00-ին։

Սերժ Սարգսյանին մեղադրանք առաջադրվելու մասին ՀՔԾ-ն հայտարարել է 2019 թվականի դեկտեմբերի 4-ին:

Ըստ պաշտոնական հաղորդագրության՝ զբաղեցնելով ՀՀ նախագահի պաշտոնը, նա իր պաշտոնեական դիրքն օգտագործելով, 2013 թվականին կազմակերպել է պաշտոնատար մի խումբ անձանց կողմից պետությունից վատնելու եղանակով առանձնապես խոշոր չափերով գումարի՝ 489.160.310 ՀՀ դրամի հափշտակության կատարումը:

Նրան մեղադրանք է առաջադրվել ՀՀ քրեական օրենսգրքի 38-179-րդ հոդվածի 3-րդ մասի 1-ին կետով և որպես խափանման միջոց է ընտրվել ստորագրություն՝ չհեռանալու մասին։

Գործով մեղադրյալներ են նաև նախկին գյուղնախարար Սերգո Կարապետյանն ու Սերժ Սարգսյանի մտերիմ գործարարներից համարվող «Ֆլեշ» ընկերության սեփականատեր Բարսեղ Բեգլարյանը, Գյուղնախարարության նախկին պաշտոնյա Գևորգ Հարությունյանը։

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси