Hotel Merien Բարի Գործ հիմնադրամ
ՍԴ նախկին անդամներն իրավունք ունեին դիմել ՄԻԵԴ, ինչը արել են, բայց միջանկյալ որոշման մասին տեղյակ չեմ. Արարատ Միրզոյան

ՍԴ նախկին անդամներն իրավունք ունեին դիմել ՄԻԵԴ, ինչը արել են, բայց միջանկյալ որոշման մասին տեղյակ չեմ. Արարատ Միրզոյան

13:15 | 08.07.2020 | Քաղաքականություն

ՍԴ նախկին անդամներն իրավունք ունեին դիմել ՄԻԵԴ, ինչը արել են, բայց միջանկյալ որոշման մասին տեղյակ չեմ. Արարատ Միրզոյան
 
 

ՍԴ նախկին անդամներն իրավունք ունեին դիմել Եվրոպական դատարան, ինչը եւ արել են, իրացրել են իրենց իրավունքը: Այս մասին, այսօր՝ հուլիսի 8-ին, ԱԺ-ում լրագրողների հետ զրույցում նշեց ԱԺ նախագահ Արարատ Միրզոյանը՝ անդրադառնալով նրան, որ սահմանադրական փոփոխությունների արդյունքում պաշտոնանկ արված ՍԴ անդամները, ինչպես նաեւ Հրայր Թովմասյանը դիմել են ՄԻԵԴ եւ հիմա ՄԻԵԴ-ը միջանկյալ որոշում պետք է կայացնի:

«Բայց որ ՄԻԵԴ-ը միջանկյալ որոշում պետք է կայացնի, թե ոչ, ինչպես ձեր հարցի մեջ պնդում էր արվում, տեղյակ չեմ, վստահ չեմ ամեն դեպքում»,-ասաց նա:

Դիտարկմանը, որ ՀՀ նախագահն առաջարկել է, որ ՍԴ երեքական անդամների նշանակեն Կառավարությունը, ՀՀ նախագահ եւ Դատավորների ընդհանուր ժողովը, Արարատ Միրզոյանն ասաց. «ՀՀ նախագահը երկու անգամ թեկնածու է առաջադրել, որը չի ընտրվել Ա-ի կողմից եւ մեկ անգամ առաջադրել է թեկնածու, որն ընտրվել է: Գործող  սահմանադրական կարգավորումներով դատարանակազմ մարմինները, այդ թվում նախագահը, առաջարկում է թեկնածություններ, ընտրությունը թողնված է ԱԺ-ին: Այսինքն վարվել ենք այնպես, ինչպես նախատեսում է Սահմանադրությունը: Այն, ինչ առաջարկում է ՀՀ նախագահը, ենթադրում է սահմանադրական փոփոխություններ: Գիտեք, որ կա եւ գործում է Սահմանադրության փոփոխությունների մշակող հանձնաժողով եւ կարծում եմ, որ ՀՀ նախագահը թերեւս պաշտոնապես կամ բանավոր դիմի այդ հանձնաժողովին: Որքան տեղեկացված եմ, այդ հանձնաժողովում քննարկում են ամենատարբեր առաջարկներ: Ինչպիսին կլինի վերջնարդյունքում հանձնաժողովի առաջարկը, Աստված գիտի»:

Արարատ Միրզոյանը հավելեց, որ իր կարծիքով գործող մեխանիզմը բավական հաջող է:

 

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси