Hotel Merien Բարի Գործ հիմնադրամ
Արցախի կառավարությունն աջակցության ձեռք կմեկնի լիբանանահայությանը. Արայիկ Հարությունյանն ընդունել է Կարո Քեբաբջյանին

Արցախի կառավարությունն աջակցության ձեռք կմեկնի լիբանանահայությանը. Արայիկ Հարությունյանն ընդունել է Կարո Քեբաբջյանին

15:37 | 29.06.2020 | Քաղաքականություն

Արցախի կառավարությունն աջակցության ձեռք կմեկնի լիբանանահայությանը. Արայիկ Հարությունյանն ընդունել է Կարո Քեբաբջյանին
 
 

Արցախի Հանրապետության նախագահ Արայիկ Հարությունյանը հունիսի 29-ին ընդունել է Մերձավոր Արեւելքի երկրներում Արցախի Հանրապետության մշտական ներկայացուցիչ Կարո Քեբաբջյանին:

Երկրի ղեկավարը նշել է, որ Արցախում ուշադրությամբ հետեւում են Լիբանանում համավարակի հետեւանքով ստեղծված սոցիալ-տնտեսական ծանր իրավիճակի հետ կապված զարգացումներին եւ մտահոգված են լիբանանահայության կացությամբ: Հանրապետության նախագահի խոսքով՝ չնայած տնտեսական խնդիրները չեն շրջանցել նաեւ Արցախը, սակայն ԱՀ կառավարությունն իր համազգային պատասխանատվության շրջանակներում քննարկում է ունեցած սուղ միջոցներից լիբանանահայ քույրերին եւ եղբայրներին ցուցաբերվելիք աջակցության ծավալը: 

Կարո Քեբաբջյանը շնորհակալություն է հայտնել Արայիկ Հարությունյանին ջերմ ընդունելության եւ ցուցաբերվող աջակցության համար՝ ընդգծելով, որ դա փաստացի ապացույցն է այն իրողության, որ աշխարհով մեկ սփռված հայության համար հայրենիքը ամենահուսալի վայրն է:

Հանդիպմանը մասնակցում էին ԱՀ արտաքին գործերի նախարար Մասիս Մայիլյանը եւ ԱՀ նախագահի՝ Սփյուռքի հարցերով խորհրդական Ազատուհի Սիմոնյանը:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси