Hotel Merien Բարի Գործ հիմնադրամ
Մեզ չի հաջողվում վարակվածների թվերը իջեցնել, կոշտ միջոցների ենք անցնում. Նիկոլ Փաշինյան

Մեզ չի հաջողվում վարակվածների թվերը իջեցնել, կոշտ միջոցների ենք անցնում. Նիկոլ Փաշինյան

12:19 | 18.06.2020 | Հասարակություն

Մեզ չի հաջողվում վարակվածների թվերը իջեցնել, կոշտ միջոցների ենք անցնում. Նիկոլ Փաշինյան
 

Մեր ընթացիկ ամենակարեւոր խնդիրը շարունակում է մնալ կորոնավիրուսի համաճարակը, երեկ կրկին 665 նոր դեպք ենք ունեցել եւ մեզ չի հաջողվում թվերն իջեցնել: Այս մասին այսօր՝ հունիսի 18-ին, կառավարության նիստում նշեց ՀՀ վարչապետ Նիկոլ Փաշինյանը:

«Մենք գիտենք դրա պատճառը, հակահամաճարակային կանոնները համատարած կերպով չեն պահպանվում եւ մենք ստիպված ենք ավելի ու ավելի կոշտ վարչական մեթոդներ կիրառել: Գիտեք, որ պարետատունը որոշում է կայացրել, որ քաղաքացիները պետք է իրենց մոտ ունենան անձը հաստատող փաստաթուղթ»,-ասաց Փաշինյանը եւ բացատրեց, թե որն է այդ որոշման հիմնավորումը:

«Եթե օրինակ դիմակ չկրելու համար տուգանվող քաղաքացին չունի փաստաթւղթ իր մոտ, նրան վարչական պատասխանատվության ենթարկելու պրոցեսն ավելի երկար է տեւում, դրա համար նրան պետք է տանել բաժին, վարչական արձանագրություն կազմել, իսկ հիմա այս որոշումը կայացվել է, որ վարչական այդ լծակն ավելի արդյունավետ գործի: Ընդ որում, մեր օրենսդրության տրամաբանությամբ, եթե քաղաքացին դիմակ չի կրում, ոստիկանը պարզում է, որ նա չունի նաեւ փաստաթուղթ, դա համարվելու է երկու առանձին վարույթ, երկու տուգանք:

Այս պահին մենք ունենք համոզվածություն, որ մարդկանց մեծ հոսք սպասարկող բոլոր պետական մարմինները հերթերի կարգավորման նոր կանոնները ներդրել են պատշաճ ձեւով: Մենք պետք է արձանագրենք, որ պետական այն մարմինները, որոնք քաղաքացիների ընդունելություն են իրականացնում, նրանք պարտադիր պետք է հերթերը կարգավորեն, ընդ որում նաեւ տարածքից դուրս, եթե հերթ է գոյանում: Պետք է վերահսկել, թե որքանով է դա կատարվում: Շատ կարեւոր է, որ բանկերի դրսի հատվածում էլ կարգավորվեն հերթերը: Մենք ստանում ենք լուսանկարներ, որ մարդիկ շարունակում են հին ձեւերով հերթ կանգնել»,-ասաց վարչապետը:

Նա ընդգծեց որ բացի դրանից իրենց վերլուծությունները ցույց են տալիս, որ վարակի տարածման հիմնական աղբյուր են հանդիսանում բակերը եւ մոտ հասցեները: «Այստեղ մենք նույնպես պետք է մեծացնենք վարչական ազդեցության միջոցները: Ձեւավորվել են համապատասխան կարգախմբեր ոստիկանության եւ այլ մարմինների, որոնք ավելի ու ավելի մեծ մասշտաբով կիրականացնեն այդ գործառույթը»:

 
 

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси