Hotel Merien Բարի Գործ հիմնադրամ
«Ո՞նց չեն տալիս». Փաշինյանը հանձնարարեց ստուգել, թե ինչու ջերմոցի տիրոջը վարկ չեն տվել

«Ո՞նց չեն տալիս». Փաշինյանը հանձնարարեց ստուգել, թե ինչու ջերմոցի տիրոջը վարկ չեն տվել

11:37 | 23.05.2020 | Քաղաքականություն

«Ո՞նց չեն տալիս». Փաշինյանը հանձնարարեց ստուգել, թե ինչու ջերմոցի տիրոջը վարկ չեն տվել
 
 

ՀՀ վարչապետ Նիկոլ Փաշինյանը Արարատի մարզում շրջել է ջերմոցներով ու ինտենսիվ այգիներով: Մասնավորապե, Ազատան գյուղում ինտենսիվ այգիներից մեկի սեփականատերը դիմելով վարչապետին ասաց. «Ուզում ենք ընդլայնվել, բայց հող չկա: Մոտ տարածքներում փոքր հողակտորներ կան, որոնց մի մասի դեպքում գիտենք սեփականատերն ով է, մյուս մասի դեպքում չգիտենք: Այդ հողերը մեծ մասամբ չեն մշակվում»:

Նա հավելեց, որ ավանդական այգիների դեպքում մեկ հեկտարի վրա տնկվում է մոտ 300 ծառ, իսկ ինտենսիվ այգիների դեպքում՝ 1-3 հազար ծառ. «Բացի այդ, ավանդական եղանակով ջրելու դեպքում խնդիր կա, մոտ գտնվող ծառը փտում է, իսկ վերջին ծառին ջուր չի հասնում: Ավանդական եղանակով ջուրը 4-5 անգամ շատ է ծախսվում: Բերքահավաքի համար կունենանք հազարավոր աշխատողներ: Բերքը եւ ներքին շուկայի համար է, եւ արտահանման»:

Սեփականատիրոջ խոսքով ինտենսիվ այգիների դեպքում ծառերը փոքր են, իսկ պտուղները՝ մեծ:

Էկոնոմիկայի նախարար Տիգրան Խաչատրյանը նշեց, որ այս այգիների ստացվող տանձը փակում է ներքին շուկայի միայն մի փոքր մասը, տարեկան 5 հազար տոննա տանձ է ներկրվում:

Իսկ արդեն ծաղկի ջերմոցներից մեկում սեփականատերը դժգոհեց, որ այս տարի իրեն վարկ չտվեցին, թեեւ 20 տարի աշխատում է, ուշացումներ չունի: Փաշինյանի հարցին, թե ինչու չտվեցին, սեփականատերը պատասխանեց. «Դե էս տարի ոչ մեկին չէին տալիս»: «Ո՞նց չեն տալիս»,-զարմացավ վարչապետը եւ իր օգնականին հանձնարարեց վերցնել տվյալները եւ ստուգել, թե ինչու վարկի չեն տվել:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси