Hotel Merien Բարի Գործ հիմնադրամ
Հաղթանակի տոնի առթիվ Հայաստանի նախագահին շնորհավորել են Կասիմ-Ժոմարտ Տոկաևը և Նուրսուլթան Նազարբաևը

Հաղթանակի տոնի առթիվ Հայաստանի նախագահին շնորհավորել են Կասիմ-Ժոմարտ Տոկաևը և Նուրսուլթան Նազարբաևը

17:20 | 09.05.2020 | Քաղաքականություն

Հաղթանակի տոնի առթիվ Հայաստանի նախագահին շնորհավորել են Կասիմ-Ժոմարտ Տոկաևը և Նուրսուլթան Նազարբաևը

Հայաստանի Հանրապետության նախագաh Արմեն Սարգսյանին Հայրենական մեծ պատերազմում հաղթանակի 75-ամյակի առթիվ շնորհավորական ուղերձներ են հղել Ղազախստանի նախագահ Կասիմ-Ժոմարտ Տոկաևը և Ղազախստանի առաջին նախագահ Նուրսուլթան Նազարբաևը:

Ղազախստանի նախագահ Կասիմ-Ժոմարտ Տոկաևի ուղերձում մասնավորապես ասվում է. «Համոզված եմ, որ մեր հայրերի և պապերի հիշատակի լավագույն հարգանքի տուրքը կլինի հայ-ղազախական հարաբերությունների հետագա զարգացումը՝ հիմնված ամուր բարեկամության և փոխադարձ հարգանքի վրա»:

Իր ուղերձում Նուրսուլթան Նազարբաևը մասնավորապես նշել է․ «Հաղթանակի օրը մեր ժողովուրդների միջև բարեկամության առավել ցայտուն խորհրդանիշներից մեկն է, որը կապում է Ղազախստանի և Հայաստանի անցյալն ու ներկան: Համոզված եմ, որ հետագայում ևս մեր սրտերում կպահպանենք այն հերոսների հավերժ հիշատակը, ովքեր անցել են Հայրենական մեծ պատերազմի միջով և հաղթանակ են տարել ֆաշիզմի դեմ պայքարում՝ հանուն համայն մարդկության խաղաղ կյանքի»:

 

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси