Hotel Merien Բարի Գործ հիմնադրամ
«Քարտեզագրվելու է մարզը սպանդանոցների համար». Ֆերմերների հետ հանդիպում՝ Արարատի մարզպետարանում

«Քարտեզագրվելու է մարզը սպանդանոցների համար». Ֆերմերների հետ հանդիպում՝ Արարատի մարզպետարանում

20:15 | 24.01.2020 | Հասարակություն

«Քարտեզագրվելու է մարզը սպանդանոցների համար». Ֆերմերների հետ հանդիպում՝ Արարատի մարզպետարանում

Արարատի մարզպետարանում այսօր՝ հունվարի 24-ին, հրավիրվել էր քննարկում մարզի համայնքների ղեկավարների և ֆերմերների մասնակցությամբ, որը վարել է Արարատի մարզպետ Գարիկ Սարգսյանը, հայտնում են Արարատի մարզպետարանից։ 

Հանդիպմանը մասնակցել է նաև ՀՀ սննդամթերքի անվտանգության տեսչական մարմնի Արարատի մասնաճյուղի պետ Արմեն Համբարձումյանը:

Ինչպես հայտնի է՝ Կառավարությունը որոշել է մինչև հուլիսի 1-ը հետաձգել պարտադիր սպանդանոցային մորթի կիրառման գործընթացը։ Մինչև սույն թվականի փետրվարի 6-ը կառավարությունը կդիտարկի սուբսիդավորվող վարկերի և լիզինգային ծրագրերում այնպիսի կարգավորումներ անելը, որպեսզի սպանդանոցների կառուցման և անհրաժեշտ տեխնիկայի` այդ թվում տրանսպորտային տեխնիկայի ձեռքբերման համար ստեղծվեն լավագույն պայմանները: Մարզպետը ներկայացրել է, որ Կառավարությունը մարզպետարանների և սննդի անվտանգության տեսչության հետ կձևավորի սպանդանոցների նախընտրելի քարտեզ և կօգնի սպանդանոցներ կառուցել ցանկացողներին հողի նպատակային նշանակության փաստաթղթերի արագ ձևակերպման հարցում: «Քարտեզագրվելու է մարզը՝ հասկանալու համար, թե ցանկացողները ո՞ր մասում կարող են կառուցել սպանդանոցները: Չի պարտադրվելու, պարզապես ուղղորդվելու է, թե որ մասն է ավելի նպատակահարմար: Այնպես անենք, որ բաշխումը ճիշտ լինի»,- նշել է Գարիկ Սարգսյանը: Կառավարությունը պատրաստ է մինչև փետրվարի 6-ը լսել նաև այլ առաջարկներ, որից հետո կսկսվի գործընթացը: Ներկա գտնվող ֆերմերները ներկայացրել են իրենց բողոքներն ու առաջարկները, որն էլ մարզպետի կողմից կներկայացվի Կառավարության։

 

 

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси