Hotel Merien Բարի Գործ հիմնադրամ
Էրդողանը հայտնել է, որ հունվարին Թուրքիայի խորհրդարանին կխնդրի թույլ տալ Լիբիա զինվորականների ուղարկել

Էրդողանը հայտնել է, որ հունվարին Թուրքիայի խորհրդարանին կխնդրի թույլ տալ Լիբիա զինվորականների ուղարկել

16:00 | 26.12.2019 | Հասարակություն

Թուրքիայի նախագահ Թայիփ Էրդողանը մտադիր է հունվարին, երբ օրենսդիրները աշխատանքը կվերսկսեն, խորհրդարան ներկայացնել Լիբիա թուրք զինվորականների ուղարկելու հարցում: Նա այս մասին հայտնել է Անկարայում ելույթ ունենալիս, հայտնում է NTV-ն:

«Հենց խորհրդարանը բացվի, մենք առաջին հերթին հարցում կներկայացնենք զորքեր ուղարկելու մասին: Եթե մենք [Տրիպոլիի կողմից զորք ուղարկելու] համապատասխան հրավեր ստանանք, ապա այն կընդունենք»,- ասել է նա: Ընդ որում՝ Էրդողանը նշել է, որ «Տրիպոլիից հարցման բացակայության դեպքում զինվորականները ոչ մի տեղ չեն գնա»:

«Մենք Տրիպոլիի վարչակազմին կցուցաբերենք ցանկացած աջակցություն, որը պայքար է մղում խռովարար գեներալի դեմ, որի օգտին են հանդես գալիս որոշ եվրոպական եւ արաբական երկրներ: Նրանք օգնում են նրան, իսկ մենք Լիբիայի օրինական կառավարության կողմում ենք»,- ասել է թուրք առաջնորդը:

Էրդողանը նաեւ անդրադարձել է նոյեմբերի 28-ին Տրիպոլիի հետ ստորագրած ծովային գոտիների սահմանազատման մասին Թուրքիայի եւ Լիբիայի միջեւ փոխըմբռնման հուշագրին, որը հարուցել է Հունաստանի խիստ արձագանքը: «Այս փաստաթուղթն ուժի մեջ է մտել: Մեր նպատակը Միջերկրական ծովում որեւէ մեկից իր իրավունքը վերցնելը չէ, այլ մեր իրավունքների ուզուրպացիան կանխելը: Մեզ ցանկանում էին սահմանափակել միայն մեր առափնյա սահմաններում: Այս համաձայնագիրը ամբողջությամբ օրինական է»,- հայտարարել է նա:

Ներկայում Լիբիայում զուգահեռ գոյություն ունեն գործադիր իշխանության երկու մարմիններ՝ Ֆաիզ Սարաջի միջազգայնորեն ճանաչված ԱՀԿ-ն եւ Աբդալա Աբդուռահման աթ Թանիի ժամանակավոր կառավարությունը, որը գործում է երկրի արեւելքում՝ խորհրդարանի հետ համատեղ, եւ աջակցվում է ու ֆելդմարշալ Խալիֆա Հաֆթարի Լիբիական ազգային բանակի կողմից։ Վերջինը դեկտեմբերի 12-ին հայտարարել էր, որ իր զինված ուժերը ձեռնարկում են «վճռական մարտը մայրաքաղաքի համար»։ Լիբիայի ազգային բանակի հրամանատարությունը ավելի վաղ քանիցս ընդգծել էր, որ կդիմակայի ցանկացած օտարերկրյա ինտերվենցիայի Լիբիայում, ինչպես նաեւ սպառնացել է խորտակել Թուրքիայի ռազմական օգնություն տեղափոխող նավերը եւ խփել տրանսպորտային ինքնաթիռները։

 

 

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси