Hotel Merien Բարի Գործ հիմնադրամ
Դանիել Իոաննիսյանը հավանություն է տալիս քաղաքացիներին գաղտնալսելու առումով ոստիկանության լիազորությունների ընդլայնմանը

Դանիել Իոաննիսյանը հավանություն է տալիս քաղաքացիներին գաղտնալսելու առումով ոստիկանության լիազորությունների ընդլայնմանը

17:05 | 12.12.2019 | Քաղաքականություն

«Տեղեկացված քաղաքացիների միության» ղեկավար, Հայաստանի Հանրային խորհրդի նորահայտ անդամ Դանիել Իոաննիսյանը հավանություն է տալիս քաղաքացիներին գաղտնալսելու առումով ոստիկանության լիազորությունների ընդլայնմանը: Նա իր տեսակետը հայտնեց լրագրողների հետ զրույցում:

Իոաննիսյանը հիշեցրեց, որ հեռախոսային խոսակցությունների գաղտնալսում է իրականացվում այն դեպքում, երբ խոսքը վերաբերում է ծանր եւ առանձնապես ծանր հանցագործություններին եւ միայն դատարանի որոշման հիման վրա: «Այս հատվածն անփոփոխ է մնացել»,- նշեց նա:

Կազմակերպության ղեկավարը հիշեցրեց, որ հիմա գաղտնալսումն իրականացնում է ԱԱԾ-ն: «Մենք նախկինում էլ ենք դրա մեջ որոշակի վտանգներ տեսել: Պատկերացրեք, որ խոսքը ԱԱԾ աշխատակցի կատարած հանցագործության մասին է: Չեն կարող չէ՞ նրանց հանձնարարել իրենք իրենց գաղտնալսել»,- ողջամտորեն նշեց Իոաննիսյանը: Նրա խոսքով՝ իրերի գոյություն ունեցող դրությունը խանգարում էր տաք հետքերով գործերի բացահայտմանը: «Շատ ժամանակ է վատնվում բյուրոկրատական քաշքշուկների վրա: Իսկ ոստիկանության լիազորությունների ընդլայնումը կմեծացնի սովորական հանցագործությունների բացահայտման արդյունավետությունը»,- հայտարարեց Դանիել Իոաննիսյանը:

Տեսանյութը՝ News.am

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси