Hotel Merien Բարի Գործ հիմնադրամ
Այսօր Ցեղասպանության զոհերի հիշատակի եւ այդ հանցագործությունը կանխարգելելու միջազգային օրն է

Այսօր Ցեղասպանության զոհերի հիշատակի եւ այդ հանցագործությունը կանխարգելելու միջազգային օրն է

10:01 | 09.12.2019 | Հասարակություն

2015 թվականի սեպտեմբերին ՄԱԿ-ի Գլխավոր Ասամբլեան Հայաստանի նախաձեռնությամբ որոշել է հռչակել դեկտեմբերի 9-ը որպես Ցեղասպանության զոհերի հիշատակի, նրանց արժանապատվությունը փառաբանելու եւ այդ հանցագործությունը կանխարգելելու միջազգային օր (International Day of Commemoration and Dignity of the Victims of the Crime of Genocide and of the Prevention of this Crime): Օրն ընտրվել է այն կապակցությամբ, որ այդ օրը 1948 թվականին Գլխավոր ասամբլեան ընդունել էր Ցեղասպանության հանցագործությունը կանխարգելելու եւ դրա համար պատիժ սահմանելու մասին կոնվենցիան:

Բանաձեւն ընդունվել է 69-րդ համագումարի 103-րդ պլենարային նիստի ժամանակ կոնսենսուսի հիման վրա. այն հաստատել են Ասամբելայի 80 անդամ երկրներ: Նախաձեռնությունը բխում էր Հայաստանի կողմից ներկայացված ցեղասպանությունների կանխարգելման մասին դրույթներից, որոնք ընդունվել էին ՄԱԿ-ի մարդու իրավունքների խորհրդի 28-րդ համագումարի ժամանակ: Ներկայիս բանաձեւն ուղղված է Հայաստանի ջանքերի ամբողջացմանը, որոնք միտված են ցեղասպանության հանցագործության դեմ պայքարում միջազգային գործունեության խթանմանն ու կոնսոլիդացիային:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси