Hotel Merien Բարի Գործ հիմնադրամ
«Կգովազդվե՞ն» դեղերը ԶԼՄ-ներում. քննարկում ԱԺ-ում

«Կգովազդվե՞ն» դեղերը ԶԼՄ-ներում. քննարկում ԱԺ-ում

13:36 | 19.11.2019 | Քաղաքականություն

Տվյալ օրինագծով քննարկվում է դեղերի մեծածախ իրացման լիցենզավորման, հանրությանը մատչելի եւ դեղատոմսով բաց թողնվող դեղերի պատշաճ տարածման մասին հավաստագրի ստացման ժամկետի երկարաձգման եւ ԶԼՄ-ներում այդ մասին տեղեկատվության տարածման մասին հարցերը: Այս մասին նոյեմբերի 19-ին ԱԺ նիստում «Դեղերի մասին» օրենքում լրացումներ կատարելու մասին օրինագծի քննարկման ընթացքում հայտարարեց ՀՀ առողջապահության փոխնախարար Անահիտ Ավանեսյանը:

Նրա խոսքով՝ ծրագրվում է 3 փոփոխություն մտցնել: Առաջինը վերաբերում է մեծածախ իրացման լիցենզավորման պարտավորությունների ժամկետին: Երկրորդը վերաբերում է համապատասխան բաշխման գործընթացի մասին հավաստագրի ստացման ժամկետների փոփոխությանը: Ենթադրվում է այն հետաձգել եւս մեկ տարով, որպեսզի լիցենզավորման գործընթաց անցնելուց հետո ընկերությունը եւս մեկ տարի ունենա փոփոխություններին պատրաստվելու համար: Եվ երրորդ փոփոխությունը վերաբերում է ԶԼՄ-ներում դեղատոմսով բաց թողնվող դեղերի մասին տեղեկատվության տարածմանը, որը հրապարակվում է առողջապահության նախարարության նպատակային ծրագրի շրջանակում:

Փոխնախարարի վերջին առաջարկությունը՝ կապված բնակչության տեղեկացման հետ, առաջ բերեց խորհրդարանականների, այդ թվում եւ «Իմ քայլը» կառավարող դաշինքի պատգամավորների անհանգստությունը, որոնք հայտարարեցին, որ այդ կետը, փաստորեն, հակասում է օրենքին, քանի որ առաջարկում է իրականացնել դեղամիջոցների գովազդ։ Կառավարության ներկայացուցիչը փորձեց հավաստիացնել, որ խորհրդարանականների փաստարկները եւ նրանց մտահոգություններն անհիմն են, բայց նա, ամենայն հավանականությամբ, չկարողացավ հասնել դրան։

Հիշեցնենք, որ այդ կետը անհանգստացրել էր նաեւ Առողջապահության եւ սոցիալական հարցերի  մշտական խորհրդարանական հանձնաժողովին, որտեղ այդ հարցը քննարկվել է, եւ այնտեղ օրինագիծը միայն մասամբ էր դրական եզրակացություն ստացել։  Վերջին կետը՝ կապված բնակչության իրազեկման հետ՝ ԶԼՄ-ների օգտագործման ճանապարհով, ստացավ պրոֆիլային խորհրդարանական հանձնաժողովի բացասական եզրակացությունը։

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси