Hotel Merien Բարի Գործ հիմնադրամ
Վարչապետի մոտ վրեժխնդրության նշույլ անգամ չկա, եթե լիներ, հիմա 500 հոգի ծանր պատժներ կկրեին. «Իմ քայլի» պատգամավոր

Վարչապետի մոտ վրեժխնդրության նշույլ անգամ չկա, եթե լիներ, հիմա 500 հոգի ծանր պատժներ կկրեին. «Իմ քայլի» պատգամավոր

16:19 | 19.10.2019 | Քաղաքականություն

Եթե դուք ԱԱԾ հաղորդագրությունը կարդաք, այնտեղ միայն Հրայր Թովմասյանի հարազատների նկատմամբ չեն չործողություններ կատարվել, այլ նաեւ մի քանի այլ մարդկանց: Այս մասին այսօր՝ հոկտեմբերի 19-ին, լրագրողների հետ զրույցում նշեց «Իմ քայլը» խմբակցության պատգամավոր Հայկ Գեւորգյանը՝ անդրադառնալով ՍԴ նախագահի թոշակառու հորը եւ դուստրերին ԱԱԾ հրավիրելու փաստին:

«Ես այդտեղ որեւէ տարօրինակ բան չտեսա, գործի ընթացքը ցույց կտա, էլի պարզաբանումներ կլինեն, բացահայտումներ կլինեն, կտեսնենք: Այս պահին ես այդտեղ որեւէ տարօրինակ բան չեմ տեսնում»,-ասաց նա:

Անդրադառնալով տեսակետին, որ եթե իշխանությունը չկարողանա հասնել Հրայր Թովմասյանի հրաժարականին կամ պաշտոնանկությանը, խորհրդարանը կհեղինակազրկվի, Հայկ գեւորգյանն արձագանքեց. «Սահմանադրական դատարանը պետք է բավարարի որոշակի չափանիշների. Առաջին հերթին պետք է ունենա հանրային լայն վստահություն: Այսօրվա ՍԴ-ն, եթե հիշեք, թե ինչպես է ձեւավորվել, կհասկանաք, որ այդտեղ նշույլ անգամ չկա հանրային վստահության: Դատական իշխանությունը ւիշխանության թեւերից մեկն է եւ այն նույնպես պետք է բավարարի վստահելի լինի: Ինչ վերաբերում է նրան, որ դա կարող է չլինել, չի կարող նման բան չլինել: ԱԺ-ի կողմից վերջին գործողությունը, որ իրականացվեց, մենք դրանով հնարավորություն տվեցինք, որ ՍԴ-ն ինքը քայլ անի: Եթե չարեց, մենք կգնանք հաջորդ քայլերին»:

Լրագրողները հիշեցրին, որ ՍԴ դատավոր Վահե Գրիգորյանը հայտարարել է, որ ԱԺ-ն մազաչափ անգամ չի մոտեցել ՍԴ-ում առկա խնդրի լուծմանը, ինչին ԱԺ պատգամավորն ասաց. «Իշխանության քաղաքական կամքն այն է, որ ՍԴ-ն պետք է կազմավորվի այնպես, որ վայելի հանրության վստահությունը: Դա անխուսափելի է»:

Ինչ վերաբերում է դիտարկմանը, որ տեղի ունեցողը վարչապետ Նիկոլ Փաշինյանի կողմից վրեժխնդրության դրսեւորում է՝ հաշվի առնելով, որ Հրայր Թովմասյանի արդարադատության նախարար եղած ժամանակ Փաշինյանը ազատազրկված է եղել եւ զրկված է եղել տեսակցություններից, Հայկ Գեւորգյանն ասաց. «Ես 25 տարուց ավելի ճանաչում եմ վարչապետին, որից 20 տարին մի սենյակում ենք աշխատել: Նրա մոտ վրեժխնդրության նշույլներ անգամ չկան: Չի կարող լինել նման բան:

Այն իշխանությունը, այն լծակները, որ ինքը ունի, եթե նրա մոտ վրեժխնդրության նշույլներ լինեին, այսօր երեւոի մի 500 մարդ շատ ծանր պատիժներ էին կրելու: Բայց նման բան չկա, նրա մոտ վրեժխնդրության զգացմունքը բացակայում է»:

Տեսանյութը՝ News.am

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси