Hotel Merien Բարի Գործ հիմնադրամ
Խաղողի մթերման սեզոնի եզրափակման փուլում ենք եւ ոչ մի աղմուկ–աղաղակ չկա, սա լուրջ հաջողություն է. Փաշինյան

Խաղողի մթերման սեզոնի եզրափակման փուլում ենք եւ ոչ մի աղմուկ–աղաղակ չկա, սա լուրջ հաջողություն է. Փաշինյան

12:53 | 10.10.2019 | Քաղաքականություն

Խաղողի մթերման սեզոնի եզրափակման փուլում ենք եւ ուշադրությունս գրավեց, որ այս տարի ոչ մի աղմուկ, ոչ մի աղաղակ չկա: Այս մասին այսօր՝ հոկտեմբերի 10-ին, կառավարության նիստում նշեց ՀՀ վարչապետ Նիկոլ Փաշինյանը:

«Սա կարծում եմ՝ հիշարժան փաստ է, որովհետեւ ես չեմ հիշում նման բան, որ խաղաղի մթերման ժամանակ կառավարությունը սթրեսային եւ ցայտնոտային տեղեկատվություն չստանա: Ես բոլորիս շնորհավորում եմ այս կապակցությամբ: Սա շատ լուրջ հաջողություն է, հույս ունեմ, որ այդպես կշարունակվի: Սա պատահականություն չէ, կապված է այն գործողությունների հետ, որոնք ձեռնարկել ենք նախորդ տարվանից սկսած ՊԵԿ-ի միջոցով»,-հայտարարեց Փաշինյանը:

Էկոնոմիկայի փոխնախարար Ավագ Ավանեսյանը խաղողի մթերման տվյալներ ներկայացրեց՝ նշելով, որ երեկվա դրությամբ մթերվել է մոտ 160 հազար տոննա խաղաղ, ինչը մոտ 37 տոկոսով ավելի է, քան նախորդ տարիների ցուցանիշներն են. «Երեք խոշոր  ընկերությունները մոտ 90 հազար տոննայի չափով եմ խաղաղ մթերել: Կոնյակի խաղողի մթերման միջին գինը կազմել է 150-155 դրամ, նախորդ տարի այդ գները 140-150 դրամ էին»,-ասաց նա:

Վարչապետ Նիկոլ Փաշինյանն ընդգծեց, որ ընդհանրապես, տեսակետ կա, որ մեր վիճակագրության մեթոդաբանության եւ աղբյուրների հետ կապված մեծ աշխատանք կա անելու, որ ավելի ճշգրիտ արտահայտվի իրականությունը:

Ազգային վիճակագրական կոմիտեի  նախագահ Ստեփան Մնացականյանն էլ ասաց, որ խաղողի մթերումների վիճակագրություն չի վարվել, եւ իրենք հավաքագրում են արտադրված գյուղմթերքը: Վարչապետը հետաքրքրվեց այգիների հաշվառմամբ եւ ասաց, որ շան գլուխն այդտեղ է թաղված, ինչին ի պատասխան Ստեփան Մնացականյանն ասաց, որ ընթացիկ հաշվառումներ իրականացնում են համայնքապետարանների կողմից:

«Իսկ խաղողի այգիների վերաբերյալ տեղեկատվություն չե՞ք վարում: Ասում են, որ շան գլուխն այդտեղ է թաղված»,-ասաց վարչապետը:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси