Hotel Merien Բարի Գործ հիմնադրամ
ՍԴ–ն իր որոշումներով պետք է ապացուցի, որ քաղաքական մարմին չէ. Վլադիմիր Վարդանյան

ՍԴ–ն իր որոշումներով պետք է ապացուցի, որ քաղաքական մարմին չէ. Վլադիմիր Վարդանյան

18:45 | 18.09.2019 | Քաղաքականություն

Էական կարգապահական խախտումը, անհամատեղելիությունը, քաղաքական գործունեությամբ զբաղվելը եւ Սահմանադրությամբ նախատեսված հիմքերը կարող են լինել ՍԴ նախագահի լիազորությունների դադարեցման հիմք։ Այս մասին այսօր՝ սեպտեմբերի 18-ին, լրագրողների հետ զրույցում ասաց ԱԺ պետաիրավական հարցերի մշտական հանձնաժողովի նախագահ Վլադիմիր Վարդանյանը։

«Վահե Գրիգորյանի դիմումը չքննարկելը եւս կարգապահական խախտում կարող է դիտվել, ես ընդհանրապես չեմ հասկանում՝ այդ գործընթացն ինչպես կարող էր տեղի ունենալ, որովհետեւ ենթադրվում է, որ դատավորների համապատասխան դիմումները պետք է համապատասխան ընթացակարգով քննվեն»,–նշեց նա։

ՍԴ անդամ Արեւիկ Պետրոսյանի այն պնդմանը, թե դիմումը խախտումներով է ներկայացվել, Վլադիմիր Վարդանյանն արձագանքեց. «Ենթադրենք, որ հանգում են նրան, որ ինքը խախտումներով է ներկայացրել, դատավորը ներկայացրել է դիմում, կոլեգիալ մարմինները կարող են խոսել իրենց ակտերի միջոցով, որեւիցե ակտ առ այն, որ այդ դիմումը քննարկվել է եւ մերժվել է, չունենք։ Դատավորի դիմումին առնվազն արձագանք պետք է լիներ։ Հնարավոր էր, չէ՞, ասել՝ գիտեք, դուք պատշաճ սուբյեկտ չեք կամ պատշաճ հիմքեր չկան, բայց ակտը պետք է երեւար, որտեղի՞ց ես կամ հանրությունը պետք է տեղական, որ արձագանք եղել է»։

Նրա խոսքով՝ ՍԴ նախագահի լիազորությունների դադարեցման վերաբերյալ նախագծի վրա աշխատանքը շարունակվում է. «Երբ դրվի շրջանառության մեջ, բոլորը կտեսնեն: Նա հավելեց, որ համապատասխան նախագիծ ներկայացնելուց հետո պետք է ներկայացվի գլխադասային հանձնաժողով, որի հարցը պետք է լուծի ԱԺ նախագահը»:

Իսկ Ռոբերտ Քոչարյանի պաշտպանների այն դիտարկմանը, որ «Իմ քայլի» այս նախաձեռնությունն ազդել է դատարանի որոշման վրա, Վարդանյանն ասաց.  «Վայ այն դատարանին, որը պետք է առաջնորդվի նրանով, որ ԱԺ-ում ինչ-որ գործընթացի մասին են խոսում, ու ինքը շեղվելով օրենքից՝ կայացնի այլ որոշում։ Երկու գործընթացները փոխկապակցված չեն: Հիմքը հայտնաբերելուց հետո երկշաբաթյա ժամկետ կա, որի ընթացքում է ամեն ինչ արվում»:

Լրագրողների դիտարկմանը, որ վերջին խոսքը ՍԴ-ինն է, որքանո՞վ է հավանական, որ «Իմ քայլի» տեսակետն առնվազն 6 դատավորի տեսակետի հետ կհամընկնի, նա արձագանքեց. «ՍԴ–ի անկախությունը ենթադրում է, որ ՍԴ–ն պետք է գործի իր լիազորությունների շրջանակում, Սահմանադրական դատարանը ինքը պետք է նախեւառաջ հարգի իր հեղինակությունը, եւ պետք է որոշումներ կայացնի, որով մենք կհամոզվենք, որ գործ ունենք ՍԴ–ի, ոչ թե քաղաքական մարմնի հետ։ ՍԴ-ն քաղաքական մարմին չէ, չպետք է ներառված լինի որեւիցե քաղաքական գործընթացների մեջ»։

Տեսանյութը՝ News.am

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси