Hotel Merien Բարի Գործ հիմնադրամ
Անուղղելին կրկին բռնվեց. Այս անգամ օգտվել էր հոր քնած լինելու հանգամանքից

Անուղղելին կրկին բռնվեց. Այս անգամ օգտվել էր հոր քնած լինելու հանգամանքից

17:23 | 18.09.2019 | Հասարակություն

Սեպտեմբերի 16-ին, ժամը 19.30-ին, ոստիկանության Երեւան քաղաքի վարչության ՊՊԾ գնդի ծառայողները «Վերնիսաժ» տոնավաճառից, գողություն կատարելու կասկածանքով, բերման են ենթարկել Նոր Խարբերդի բնակիչ 49-ամյա մի տղամարդու:

Տոնավաճառում պարեկող ոստիկաններին էր մոտեցել մի քաղաքացի եւ մատնացույց անելով նրան՝ հայտնել, որ նա կատարել է գողություն:

Ոստիկանության Կենտրոնական բաժնի քրեական հետախույզների ձեռնարկած միջոցառումների շնորհիվ պարզվել է, որ տղամարդը փորձել է գողանալ մի կնոջ բջջային հեռախոսը, սակայն նկատելով ոստիկանության ծառայողներին՝ հանցագործությունն ավարտին չի հասցրել:

Հետագա միջոցառումներով պարզվել է, որ նա սեպտեմբերի 15-ին նույն տոնավաճառի մի տաղավարից գողացել է մեկ այլ կնոջ բջջային հեռախոսը:

Այս ամենը պարզելուց հետո, օրենքով սահմանված կարգով, տղամարդը բաց է թողնվել:

Հաջորդ օրը, սակայն, նրա մասին նոր տեղեկություն է հայտնվել ոստիկանությունում, այս անգամ՝ Էրեբունու բաժնում: Սեպտեմբերի 17-ին, ժամը 12.20-ին, զանգահարում է մի ՍՊԸ տնօրեն եւ հայտնում, որ Նոր Խարբերդի նույն բնակիչը, օգտվելով իր հոր քնած լինելու հանգամանքից, պարենային խանութի սեղանի վրայից փորձել է գողանալ բջջային հեռախոս, սակայն բռնվել է իրենց կողմից:

Մեկնած օպերատիվ խումբն անուղղելիին բերման է ենթարկել բաժին, որտեղ նա տվել է խոստովանական բացատրություն:

Նախապատրաստվում են նյութեր:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси