Hotel Merien Բարի Գործ հիմնադրամ
Իսպանիայի նախկին թագավորը կենթարկվի սրտի վիրահատության

Իսպանիայի նախկին թագավորը կենթարկվի սրտի վիրահատության

18:10 | 24.08.2019 | Քաղաքականություն

Իսպանիայի նախկին միապետ Խուան Կառլոս Առաջինին հիվանդանոց են տեղափոխել, որտեղ կկատարվի սրտի վիրահատություն, հայտնում է Associated Press-ը: 

Իսպանիայի 81-ամյա նախկին միապետի առաջիկա վիրահատության մասին այլ մանրամասներ չեն հաղորդվում, սակայն տեղական լրատվամիջոցները, վկայակոչելով թագավորական պալատին, հայտնում են, որ վիրահատությունը նախատեսվել էր հունիսին բուժզննում անցնելուց հետո:

Ուրբաթ երեկոյան կլինիկա գալով՝ Խուան Կառլոսը լրագրողներին ասել է. «Դուք ինձ կտեսնեք դուրս գալիս»:

Խուան Կառլոս Առաջինը հօգուտ որդու գահից հրաժարվել է 2014 թվականին՝ 39 տարի կառավարելուց հետո:

Իսպանացիներից շատերը նրան առանցքային դեմք են համարում, որը վիթխարի դերակատարում է ունեցել 1975 թվականին գեներալ Ֆրանկոյի մահից հետո Իսպանիան բռնապետությունից ժողովրդավարության անցման գործում:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси