Hotel Merien Բարի Գործ հիմնադրամ
Սիսիանում մեքենա է կողաշրջվել․ վարորդը հոսպիտալացվել է

Սիսիանում մեքենա է կողաշրջվել․ վարորդը հոսպիտալացվել է

10:04 | 10.08.2019 | Պատահարներ

ԱԻՆ «911» ծառայությանն այսօր՝ օգոստոսի 10-ին, ժամը 00:28-ին ահազանգ է ստացվել, որ Սյունիքի մարզի Սիսիան քաղաքում տեղի է ունեցել ՃՏՊ, ավտոմեքենան կողաշրջվել է, կա տուժած. անհրաժեշտ է փրկարարների օգնությունը: Այս մասին տեղեկանում է ԱԻՆ լրատվական ծառայությունից։

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Պարզվել է, որ Սիսական փողոցում «ՎԱԶ-2106» մակնիշի ավտոմեքենան (վարորդ՝ Գ.Ս., ծնված 1997 թ.) դուրս է եկել ճանապարհի երթևեկելի հատվածից և բախվել տներից մեկի պատին:

Մինչ փրկարարների՝ կանչի վայր հասնելը վարորդը հոսպիտալացվել է Սիսիանի զինվորական հոսպիտալ, որտեղ բժիշկները տուժածի առողջական վիճակը գնահատել են բավարար:

Փրկարարները հոսանքազրկել են ավտոմեքենան և փակել գազի բալոնի փականը:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси