Hotel Merien Բարի Գործ հիմնադրամ
Կառավարությունը երկարաձգեց Դեղերի մեծածախ իրացման լիցենզավորման կարգն ուժի մեջ մտնելու ժամկետը

Կառավարությունը երկարաձգեց Դեղերի մեծածախ իրացման լիցենզավորման կարգն ուժի մեջ մտնելու ժամկետը

11:33 | 01.08.2019 | Քաղաքականություն

Կառավարությունն իր այսօրվա՝ օգոստոսի 1-ի նիստում որոշում կայացրեց երկարաձգել դեղերի մեծածախ իրացման լիցենզավորման կարգի ուժի մեջ մտնելու ժամկետը՝ օգոստոսի 1-ը դարձնելով նոյեմբերի 15:

Որոշման հիմնավորման մեջ նշվում է, որ դա տնտեսվարող սուբյեկտներին հնարավորություն կտա իրենց գործողությունները համապատասխանեցնել «Դեղերի մասին» օրենքի 16-րդ հոդվածի 21-րդ մասի պահանջին:

Նշենք, որ «Դեղերի մասին» օրենքի 16-րդ հոդվածի 21-րդ մասի համաձայն դեղերի մեծածախ իրացման լիցենզիա ունեցող անձը լիցենզիայի գործողության ժամանակահատվածում (այդ թվում` լիցենզիայի գործողության կասեցման ժամանակահատվածում) չի կարող իրականացնել օրենքով նախատեսված դեղատնային գործունեություն, բացառությամբ այն դեպքերի, երբ ստեղծվում է առանձին իրավաբանական անձ, որն ունի համապատասխան մանրածախ իրացման լիցենզիա:

2019 թվականի օգոստոսի 1-ին ուժի մեջ կմտնեն Կառավարության 2018 թվականի փետրվարի 8-ի թիվ 105-Ն որոշման 1-ին կետի 1-ին եւ 2-րդ ենթակետերը, որոնցով սահմանվում են նաեւ դեղերի մեծածախ իրացման լիցենզավորման կարգը եւ այլ կարգավորումներ:

Դեղատնային գործունեություն եւ դեղերի մեծածախ իրացման գործունեություն իրականացնող տնտեսվարող սուբյեկտների մոտ «Դեղերի մասին» օրենքի 16-րդ հոդվածի 21-րդ հոդվածի պահանջների կատարման ապահովումը դեղերի մեծածախ իրացման լիցենզավորման կարգի 2019 թվականի օգոստոսի 1-ին ուժի մեջ մտնելու դեպքում գործնական մեծ դժվարություններ է առաջացրել, հաճախ այլ կազմակերպությունների (այդ թվում միջազգային) հետ կնքված պայմանագրային պարտավորությունների կատարման, ինչպես նաեւ այլ իրավաբանական անձի գրանցման, իրավաբանական անձի առանձնացման ձեւով վերակազմակերպան եւ այդ դեպքերում դեղատնային գործունեության լիցենզավորման (ինչը տնտեսվարող սուբյեկների համար մեծամասամբ նախընտրելի է նոր իրավաբանական անձ ստեղծելու դեպքում) համար լիցենզավորման կարգով նախատեսված ընթացակարգի ապահովման տեսանկյունից:

Նշված հարցը քննարկվել է նաեւ Կառավարությունում, որի կապակցությամբ հանձնարարական է տրվել երկարաձգել դեղերի մեծածախ իրացման լիցենզավորման կարգի ուժի  մեջ մտնելու ժամկետը` տնտեսվարող սուբյեկտներին հնարավորություն տալով իրենց գործողությունները համապատասխանեցնել «Դեղերի մասին» օրենքի 16-րդ հոդվածի 21-րդ մասի պահանջին:

Կառավարության 2019 թվականի փետրվարի 28-ի N 202-Ն որոշման 38-րդ կետի համաձայն ներմուծողը սերիայի բացթողում իրականացնելու համար պետք է ունենա դեղերի մեծածախ իրացման լիցենզիա` սերիայի բացթողման մասին նշումով, ինչը բացակայում է դեղերի մեծածախ իրացման լիցենզիայի ներդիրի ձեւում:

Վերոգրյալը վկայում էԿառավարության 2018 թվականի փետրվարի 8-ի թիվ 105-Ն որոշման մեջփոխություններ կատարելու անհրաժեշտության մասին:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси