Hotel Merien Բարի Գործ հիմնադրամ
ԱՄՆ-ում դատարանը Թրամփին թույլ չի տվել պատ կառուցել Մեքսիկայի հետ սահմանին

ԱՄՆ-ում դատարանը Թրամփին թույլ չի տվել պատ կառուցել Մեքսիկայի հետ սահմանին

17:33 | 04.07.2019 | Քաղաքականություն

Կալիֆոռնիա նահանգի Սան Ֆրանցիսկո քաղաքում գտնվող ԱՄՆ-ի 9-որդ օկրուգի վերաքննիչ դատարանը չորեքշաբթի որոշել է ուժի մեջ թողնել ավելի վաղ կայացված վճիռները, որոնք արգելում են Պենտագոնի բյուջեից միջոցների տրամադրումը Մեքսիկայի հետ սահմանին արգելապատի կառուցման համար: Վճիռը հրապարակվել է դատարանի կայքում:

Այն մերժել Է ԱՄՆ նախագահ Դոնալդ Թրամփի վարչակազմի միջնորդությունը, որը փորձում էր վիճարկել Կալիֆոռնիայի նահանգի Հյուսիսային օկրուգի դաշնային դատարանի որոշումները, որոնք կայացվել էին մայիսին և հունիսին:

Դրանցում ասված էր, որ ԱՄՆ-ի վարչակազմը չի կարող Միացյալ Նահանգների պաշտպանական գերատեսչության բյուջեից միջոցներ ուղղորդել Մեքսիկայի հետ սահմանին արգելապատի կառուցման համար առանց ԱՄՆ-ի Կոնգրեսի համաձայնության: 

Այսպիսով, դաշնային դատարանը բավարարել է մի քանի իրավապաշտպան կազմակերպությունների և ԱՄՆ-ի մի շարք նահանգների իշխանությունների հայցերը, որտեղ նահանգապետերը դեմոկրատներ են:

Վերաքննիչ դատարանի վճռում նաև ընդգծված է, որ այն որոշումները, որոնք վերաբերում են տվյալ միջոցների տրամադրմանը, պետք է ընդունեն ԱՄՆ-ի Կոնգրեսի օրենսդիրները:

Միացյալ Նահանգների ղեկավարը ձգտում է Պենտագոնի միջոցներից հիշյալ նպատակի համար մոտավորապես 2,5 միլիարդ դոլարի հատկացման հասնել։

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси