Hotel Merien Բարի Գործ հիմնադրամ
Մեքսիկայում Պոպոկատեպետլ հրաբուխը 3,5 կիլոմետրանոց մոխրասյուն է արտանետել

Մեքսիկայում Պոպոկատեպետլ հրաբուխը 3,5 կիլոմետրանոց մոխրասյուն է արտանետել

12:08 | 23.05.2019 | Հասարակություն

Մեքսիկայում Պոպոկատեպետլ հրաբուխը չորեքշաբթի գիշեր արտանետել է 3,5 կիլոմետրանոց մոխրասյուն, տեղեկացրել է երկրի քաղաքացիական պաշտպանության ազգային ծառայությունը, հաղորդում է ՌԻԱ «Նովոստի»-ն։

Մոխրի ժայթքումից հետո հրաբուխը շարունակել է ակտիվ մնալ՝ գազեր արտանետելով մինչեւ 800 մետր բարձրության վրա։ Իշխանությունները նախազգուշացնում են վտանգի մասին։

Պոպոկատեպետլը, որի անվանումը ացտեկների լեզվից թարգմանվում է որպես «ծխացող սար», ծովի մակերեւույթից բարձր է 5,4 հազար մետր։ Այն արդեն վաղուց Մեքսիկայի խորհրդանիշներից մեկն է դարձել։

Ներկա պահին հրաբխի ակտիվությունը եւ մոխրի արտանետումը հավելյալ վտանգ են ներկայացնում մթնոլորտի խիստ աղտոտվածության հետ կապված, որն անցած շաբաթ գրանցվել է Մեխիկո քաղաքի ամբողջ հովտում։

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси