Hotel Merien Բարի Գործ հիմնադրամ
Արմեն Սարգսյանը ՍԴ դատավորի նոր թեկնածու է առաջադրել

Արմեն Սարգսյանը ՍԴ դատավորի նոր թեկնածու է առաջադրել

14:00 | 15.05.2019 | Քաղաքականություն

ՀՀ նախագահ Արմեն Սարգսյանը Սահմանադրական դատարանի դատավորի թափուր տեղի համար առաջադրել է Արթուր Վաղարշյանի թեկնածությունը:  Այս մասին հայտնում են ՀՀ նախագահի աշխատակազմի մամուլի ծառայությունից։

«Սահմանադրության 166-րդ հոդվածի 1-ին մասի եւ 213-րդ հոդվածի համաձայն` Հանրապետության նախագահը Սահմանադրական դատարանի դատավորի թափուր տեղի համար առաջադրել է Արթուր Վաղարշյանի թեկնածությունը»,–ասված է տարածված հաղորդագրության մեջ: 

Նշենք, որ ավելի վաղ ՀՀ նախագահի աշխատակազմը հայտարարել էր, որ սահմանադրական դատարանի դատավորի հավանակնորդները մինչեւ մայիսի 3-ը պետք է դիմեն նախագահի աշխատակազմ։ Դիմել էին 9 քաղաքացի։ Դիմորդների հետ զրուցելուց հետո նախագահը պետք է առաջադրեր նրանցից մեկին։

Հիշեցնենք, որ նախկինում նախագահի առաջադրած թեկնածուները՝ Վահե Գրիգորյանը եւ Գոռ Հովհաննիսյանը, Ազգային ժողովի կողմից չէին ընտրվել ՍԴ դատավորի պաշտոնում։

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси