Hotel Merien Բարի Գործ հիմնադրամ
Էկվադորի իշխանությունները Ասանժին ապաստանից զրկելուց հետո ավելի քան 40 կիբեր հարձակում են արձանագրել

Էկվադորի իշխանությունները Ասանժին ապաստանից զրկելուց հետո ավելի քան 40 կիբեր հարձակում են արձանագրել

13:53 | 16.04.2019 | Հասարակություն

Էկվադորում WikiLeaks-ի հիմնադիր Ջուլիան Ասանժին ապաստանից զրկելու որոշումից հետո ավելի քան 40 կիբեր հարձակում է արձանագրվել:

Այս մասին հաղորդել է Հարավամերիկյան երկրի Հեռահաղորդակցությունների եւ տեղեկատվական հասարակության հարցերով նախարարությունը, հաղորդում է ՏԱՍՍ-ը:

«Էկվադորի վրա հարձակումներն այնքան շատ են եղել, որ ապրիլի 11-ի օրվա երկրորդ կեսին մենք կիբեր հարձակումների քանակով երկրների վարկանիշում 51-ից 31-րդ տեղն էինք տեղափոխվել», -ասել է հեռահաղորդակցությունների փոխնախարար Պատրիսիո Ռեալը:

Նրա տվյալներով՝ հաքերների հարձակումներին ենթարկվել են այդ թվում ԱԳՆ-ն, ԿԲ-ն, նախագահի աշխատակազմը, ՆԳՆ-ն, ինչպես նաեւ մի շարք այլ գերատեսչություններ եւ համալսարաններ:

Պաշտոնյան նշել է, որ շատ երկրներ Էկվադորին օգնություն են առաջարկել այդ հարձակումներին հակազդելու հարցում:

«Այս պահին օգնության մասին ոչ մի առաջարկություն չի ընդունվել, քանի որ համակարգչային պաշտպանության մակարդակը բավարար է», - հավելել են նախարարությունում:

Ասանժը 2006 թվականին հիմնադրել է WikiLeaks պորտալը, որտեղ հրապարակվում են մի շարք կառավարությունների գործունեության մասին գաղտնի տեղեկություններ, այդ թվում՝ ԱՄՆ-ի: Շվեդիայում նրան առաջադրված ոտնձգությունների մեղադրանքների պատճառով նա 2012 թվականին ապաստան էր խնդրել Լոնդոնում Էկվադորի դոեսպանությունից, որտեղ է անընդհատ գտնվել գրեթե 7 տարի:

Էկվադորը ապրիլի 11-ին հրաժարվել է հետագայում եւս ապաստան տրամադրել, եւ Ասանժը կալանավորվել է 2012 թվականի օրդերով լոնդոնյան դատարան չներկայանալու պատճառով, իսկ այնուհետեւ ԱՄՆ 2018 թվականի արտահանձնման հարցմամբ:

Ասանժը մտավախություն ունի, որ ԱՄՆ-ին արտահանձնվելու դեպքում իրեն կարող է սպառնալ մինչեւ 35 տարվա բանտարկություն կամ մահապատիժ, սակայն ԱՄՆ արդարադատության նախարարությունը վստահեցնում է, որ նրան սպառնում է 5 տարի հաքերային գործունեության համար:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси