Մահացել է հույն հայտնի երգիչ Դեմիս Ռուսոսը
16:24 | 26.01.2015 | Մշակույթ
Հունական Proto thema թերթի փոխանցմամբ՝ հույն հայտնի երգիչ Դեմիս Ռուսոսը մահացել է 68 տարեկան հասակում: Ռուսոսը կյանքին հրաժեշտ է տվել անցած գիշեր, Աթենքում:
Մահվան պատճառները չեն հաղորդվել: Դեմիս Ռուսոսը (իրական անունը՝ Արտեմիոս Վենտուրիս Ռուսոս) ծնվել է 1946 թվականի հունիսի 15-ին, Եգիպտոսի Ալեքսանդրիա քաղաքում՝ երաժշտական հարուստ ավանդույթներ ունեցող և Հունաստանից գաղթած ընտանիքում:
Նրա մայրը երգչուհի էր, իսկ հայրը նվագում էր դասական կիթառով: Ռուսոսի ընտանիքը Հունաստանում հաստատվել է 1950-ական թվականների կեսերին: Լինելով 15-ամյա դեռահաս՝ Դեմիս Ռուսոսը տեղի ռեստորաններում ու հյուրանոցներում կատարել է արևմտյան հանրահայտ հիթեր՝ դրանով իսկ գումար վաստակելով իր ընտանիքի համար: Ընդհանուր առմամբ երգչի հաշվին գրանցված է երեք տասնյակից քիչ պակաս ձայնասկավառակներ, որոնք մեծ հանրաճանաչություն են վայելում համայն աշխարհում:
Խորհրդարանը շարունակում է իր աշխատանքը. Օրակարգում 21 հարց է (ուղիղ) 
«Ձեզ մի քիչ ծանր պահեք, պարոնայք». Արմեն Աշոտյան 
