Hotel Merien Բարի Գործ հիմնադրամ
Յուլիա Նաչալովային ՌԴ վաստակավոր արտիստի կոչում չի շնորհվի

Յուլիա Նաչալովային ՌԴ վաստակավոր արտիստի կոչում չի շնորհվի

17:50 | 30.03.2019 | Մշակույթ

Վերջերս կյանքից հեռացած ռուս երգչուհի Յուլիա Նաչալովային Ռուսաստանի Դաշնության վաստակավոր արտիտի կոչում չի շնորհվի: Այս մասին ինստագրամյան իր էջում հաղորդել է երգչուհու PR գծով տնօրեն Աննա Իսաևան: 

«Ցավոք, հենց նոր պարզեցի, որ օրենքով չի նախատեսվում կոչումը հետմահու շնորհել»,- գրել է Իսաևան:

Ավելի վաղ սոցկայքում խնդրագիր էր հայտնվել, որում կոչ էր արվում Նաչալովային հետմահու վաստակավոր արտիստի կոչում շնորհել: Տեղեկության հայտնվելու պահին խնդրագրի տակ արդեն 4666 մարդ էր ստորագրել:

Երգչուհու թաղման ժամանակ երգիչ Ֆիլիպ Կիրկորովը հայտնել էր, որ Նաչալովան «արդարացիորեն արժանի էր այդ կոչմանը»: 

Սոցկայքերի շատ օգտատերեր բացասաբար էին արձագանքել նախաձեռնությանը՝ հայտարարելով, որ Նաչալովան նման կոչման համար բավականաչափ ձեռքբերումներ չի ունեցել, ոմանք էլ կոչ են արել երգչուհու մահը շոուի չվերածել:

Յուլիա Նաչալովան կյանքից հեռացել էր մարտի 16-ին՝ 38 տարեկան հասակում:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси