Hotel Merien Բարի Գործ հիմնադրամ
Տաջիկստանի և Ղրղզստանի սահմանին հակամարտությունը վերսկսվել է

Տաջիկստանի և Ղրղզստանի սահմանին հակամարտությունը վերսկսվել է

18:00 | 14.03.2019 | Հասարակություն

Տաջիկ-ղրղզական սահմանին՝ Իսֆարայի շրջանում կրկին վերսկսվել է երկու երկրների քաղաքացիների միջեւ հակամարտությունը, մի տաջիկստանցի սպանվել է, մյուսը ծանր վիրավոր է, ՌԻԱ «Նովոստիին» տեղեկացրել է Իսֆարայի քաղաքապետարանի պաշտոնական ներկայացուցիչ Իքբոլ Թեշաեւը։

«Տեղի ժամանակով մոտավորապես ժամը 15.15-ին զինված ղրղըզ քաղաքացիները կրակ են բացել Տաջիկստանի քաղաքացիների՝ Տոջիկոն գյուղի բնակիչների ուղղությամբ։ Ներկա պահին հայտնի է, որ մի տաջիկստանցի մահացել է, մյուսը վիրավոր է։ Հակամարտության վերսկսման պատճառներն առայժմ հայտնի չեն»,- ասել է նա։

Նրա խոսքով՝ հակամարտությունը շարունակվել է՝ չնայած Տաջիկստանի Սողդիի շրջանի ղեկավար Ռաջաբոյ Ահմազոդան եւ Սողդիի շրջանի ուժային գերատեսչությունների ներկայացուցիչները Ղրղզստանի ներկայացուցիչների հետ Իսֆարայի շրջանում բանակցություններ են վարում։

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси