Hotel Merien Բարի Գործ հիմնադրամ
«Բավարիայի» ամենամեծ սխալն այն է, որ մրցաշրջանից առաջ թիմում ոչինչ չփոխվեց. Լոթար Մաթեուս

«Բավարիայի» ամենամեծ սխալն այն է, որ մրցաշրջանից առաջ թիմում ոչինչ չփոխվեց. Լոթար Մաթեուս

18:15 | 06.12.2018 | Սպորտ

Գերմանիայի հավաքականի նախկին ֆուտբոլիստ Լոթար Մաթեուսը խոսել է ընթացիկ մրցաշրջանում Մյունխենի «Բավարիայի» անհաջող ելույթների մասին.

«Ժամանակները փոխվում են, ֆուտբոլը դառնում է ավելի արագ, և նոր սերունդն առաջատար դիրքեր է զբաղեցնում: «Բավարիայի» ամենամեծ սխալն այն է, որ նոր մրցաշրջանից առաջ թիմում ոչինչ չփոխվեց:

Կովաչը ստիպված է մարզել այն ֆուտբոլիստներին, ովքեր վերջին տարիներին ամեն ինչ հաղթել են: Այժմ ես նրանցից շատերի մոտ ոչ մի մոտիվացիա չեմ նկատում: Ինչպե՞ս կարող ես ինքդ քեզ տրամադրել խաղին, երբ 6 անգամ անընդմեջ չեմպիոն ես դարձել: Խնդիրը ոչ թե ֆուտբոլիստներն են, այլ հոգեբանությունը:

Հնարավոր է, Կովաչը սխալ որոշումներ է կայացրել, բայց ես համոզված եմ՝ նա համապատասխան դասեր կքաղի: Նա հիանալի մարզիչ է, ով աշխատում է առավոտից մինչև ուշ երեկո, որպեսզի իր ֆուտբոլիստներին ավելի լավը դարձնի:

Վստահ եմ, որ ակումբի և երկրպագուների աջակցության դեպքում նա կկարողանա «Բավարիային» վերադարձնել նախկին արդյունքները»,- Լոթար Մաթեուսի խոսքերը մեջբերել է Goal.com-ը:

Հավելենք, որ Բունդեսլիգայի 13-րդ տուրից հետո «Բավարիան» ունի 24 միավոր և զբաղեցնում է մրցաշարային աղյուսակի չորրորդ հորիզոնականը՝ առաջատար Դորտմունդի «Բորուսիային» զիջելով 9 միավորով:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси