Hotel Merien Բարի Գործ հիմնադրամ
Independent. Մոուրինյուն «Մանչեսթեր Յունայթեդի» ղեկավարությանը տեղեկացրել է, որ հնարավոր չէ աշխատել Պոգբայի հետ

Independent. Մոուրինյուն «Մանչեսթեր Յունայթեդի» ղեկավարությանը տեղեկացրել է, որ հնարավոր չէ աշխատել Պոգբայի հետ

17:15 | 05.12.2018 | Սպորտ

«Մանչեսթեր Յունայթեդի» գլխավոր մարզիչ Ժոզե Մոուրինյուն կորցրել է կիսապաշտպան Պոլ Պոգբայի հետ ընդհանուր հայտարարի գալու հույսը:

Independent-ը հաղորդում է, որ պորտուգալացի մասնագետը չի հասկանում՝ ինչպես աշխատել Պոգբայի հետ և նրան ավելի լավ ֆուտբոլիստ դարձնել:

Աղբյուրի տվյալներով՝ Մոուրինյուն «Մանչեսթեր Յունայթեդի» ղեկավարությանը պաշտոնական նամակ է գրել՝ նշելով, որ փորձել է Պոգբայի հետ աշխատելու բոլոր մեթոդները՝ և՛ մեղմ, և՛ խիստ, սակայն ոչ մի արդյունքի չի հասել:

Մոուրինյուն Պոգբային անվանել է վարակ, որն ազդում է թիմակիցների վրա: Հիշեցնենք, որ Անգլիայի Պրեմիեր լիգայի 14-րդ տուրի՝ «Սաութհեմփթոնի» հետ խաղից հետո ևս Մոուրինյուն Պոգբային վարակ էր անվանել:

Մոուրինյուի և Պոգբայի միջև տարաձայնությունները սկսվել են մրցաշրջանի մեկնարկում, և այժմ շրջանառվող լուրերի համաձայն՝ 25-ամյա ֆրանսիացին արդեն ձմռանը կարող է մանչեսթերյան ակումբից տեղափոխվել «Յուվենտուս»:

Հավելենք, որ ընթացիկ մրցաշրջանում Պոլ Պոգբան մասնակցել է 18 հանդիպման, խփել է 5 գոլ և կատարել է 4 գոլային փոխանցում:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси