Ռուսական տնտեսության ապադոլարիզացիան թույլ կտա մեղմել նոր հնարավոր պատժամիջոցների հարվածը. WSJ

Ռուսական տնտեսության ապադոլարիզացիան թույլ կտա մեղմել նոր հնարավոր պատժամիջոցների հարվածը. WSJ

15:55 | 12.11.2018 | Հասարակություն

Ռուսական տնտեսության ապադոլարիզացիան կնպաստի ԱՄՆ-ի կողմից նոր հնարավոր պատժամիջոցների «հարվածը մեղմելուն», և արդյունքներն արդեն տեսանելի են, գրում է The Wall Street Journal-ը։

Համաձայն խմբագրության հաշվարկների՝ դոլարի դերը ռուսական տնտեսության մեջ նվազում է։ 2018թ. սեպտեմբերին Ռուսաստանի բանկերում ֆիզիկական և իրավաբանական անձանց արժութային դեպոզիտների մասնաբաժինը նվազել է մինչև 26%՝ ի տարբերություն 2016թ. գրանցված առավելագույն՝ 37%–ի։

Թերթը նշում է, որ ընթացիկ տարվա երկրորդ եռամսյակում արտահանման դոլարային եկամուտների մասանաբաժինը նվազել է մինչև 68%՝ ի տարբերություն 2013թ. ավելի քան 80%-ի։ ING Bank-ի փորձագետ Դմիտրի Դոլգինը հավելում է, որ Ռուսաստանի և Չինաստանի ռուբլով և յուանով առևտրի մասնաբաժինը 4 տարվա ընթացքում ավելացել է գրեթե չորս անգամ՝ հասնելով 19%-ի։

Սակայն, ըստ վերլուծաբանների, Ռուսաստանին չի հաջողվի դոլարից լիովին հրաժարվել, քանի որ երկրի տնտեսությունում մեծ է նավթի և գազի արտահանման դերը։

Ավելի վաղ Ռուսաստանի վարչապետի առաջին տեղակալ Սերգեյ Պրիխոդկոն հայտարարել էր, որ ամերիկյան պատժամիջոցների հետ կապված՝ Ռուսաստանն ու Չինաստանը քննարկում են ազգային արժույթներով հաշվարկային համակարգի ստեղծումը։

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси