Գողացել են քաղաքացու դրամապանակը եւ փող կանխիկացրել

Գողացել են քաղաքացու դրամապանակը եւ փող կանխիկացրել

15:35 | 12.11.2018 | Հասարակություն

ՀՀ քննչական կոմիտեի Երեւան քաղաքի Շենգավիթ վարչական շրջանների քննչական բաժնում քննվող քրեական գործով միջոցներ են ձեռնարկվում՝ պարզելու առերեւույթ հանցագործություն կատարած անձի ինքնությունը։

ՀՀ Քննչական կոմիտեից հայտնում են, որ ըստ քաղաքացու հաղորդման՝  2018թ. սեպտեմբերի  1-ին՝ ժամը 14:00-ի սահմաններում,  Երեւան քաղաքում գործող միկրոավտոբուսներից մեկի մեջ, ենթադրյալ հանցագործություն կատարած անձը առերեւույթ գաղտնի հափշտակել է իր դրամապանակը, որի մեջ եղել են կանխիկ գումար, բանկային քարտ եւ այլ իրեր:

Այնուհետ, ըստ հաղորդման, ենթադրյալ հանցագործություն կատարած անձը, Բագրատունյանց փողոցում տեղադրված բանկոմատներից մեկից իր բանկային քարտից կատարել է 15 հազար դրամի կանխիկացում:

Դեպքի առթիվ հարուցվել է քրեական գործ՝ ՀՀ քրեական օրենսգրքի 177-րդ հոդվածի 1-ին մասի,  2-րդ մասի 3-րդ կետի եւ 324-րդ հոդվածի մասի 1-ին հատկանիշներով:

Նախաքննության ընթացքում ստացվել են դեպքի վայրի՝ տվյալ օրվա տեսագրությունները, ենթարկվել զննության:

Քրեական գործով բազմակողմանի, օբյեկտիվ եւ լրիվ քննությունն ապահովելու նպատակով միջոցներ են ձեռնարկվում՝ տեսանյութում պատկերված տղամարդուն հայտնաբերելու ուղղությամբ։

Խնդրում ենք նշված անձին ներկայանալ վարույթն իրականացնող մարմնին կամ ովքեր ճանաչում են նրան, որեւէ տեղեկություն ունեն նրա ինքնության կամ գտնվելու վայրի մասին, հայտնեն ՀՀ քննչական կոմիտեի Երեւան քաղաքի քննչական վարչության Շենգավիթ  վարչական շրջանների քննչական բաժին:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси