Hotel Merien Բարի Գործ հիմնադրամ
Թուրք քննիչները Հաշքաջիի գործով մինչեւ օրվա վերջ զննություն կիրականացնեն Սաուդյան Արաբիայի գլխավոր հյուպատոսությունում

Թուրք քննիչները Հաշքաջիի գործով մինչեւ օրվա վերջ զննություն կիրականացնեն Սաուդյան Արաբիայի գլխավոր հյուպատոսությունում

16:07 | 15.10.2018 | Հասարակություն

Թուրք քննիչների խումբը, սպասվում է, որ երկուշաբթի մինչեւ օրվա ավարտ անհետացած սաուդցի լրագրող Հաշքաջիի գործով քննչական գործողություններ կիրականացնի Ստամբուլում Սաուդյան Արաբիայի գլխավոր հյուպատոսարանում, հայտնում է NTV հեռուստաալիքը՝ վկայակոչելով թուրքական դիվանագիտական աղբյուրներին։

Ենթադրվում է, որ մասնագետները զննությունը կանցկացնեն օրվա 2-րդ կեսին։ Էր Ռիադը թուրքական կողմին հյուպատոսարանում քննչական գործողությունների թույլտվություն է տվել դեռ հոկտեմբերի 9-ին։ Հոկտեմբերի 12-ին դիվանագիտական ներկայացուցչություն է այցելել Սաուդյան Արաբիայի ներկայացուցիչների խումբը հետաքննությամբ զբաղվող թուրք քննիչների հետ կապի մեջ մտնելու համար, փոխանցում է ՏԱՍՍ–ը։

Սաուդցի լրագրող Հաշքաջին, ով 2017 թվականից Washington Post-ի մեկնաբան է, անհետացել է Թուրքիայում Սաուդյան Արաբիայի հյուպատոսություն մտնելուց հետո։ Սաուդյան դիվանագետները պնդում են, որ լրագրողն անհետացել է հյուպատոսությունից դուրս գալուց հետո։

Թուրքիայի նախագահ Ռեջեփ Թայիփ Էրդողանը հայտարարել է, թե Սաուդյան Արաբիան պետք է ապացուցի, որ լրագրողի անհետացման հետ կապ չունի։

ԱՄՆ նախագահ Դոնալդ Թրամփը հայտարարել է, որ Վաշինգտոնը մտադիր է բացահայտել սաուդցի ընդդիմադիր լրագրողի հետ կապված իրավիճակը, եւ եթե դրա հետեւում կանգնած է Էր Ռիադը, ապա «դաժան պատիժը» չի բացառվում։

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси