Ռուսաստանի իշխանությունները աջակցում են կոռուպցիայի դեմ մեր պայքարին. Փաշինյան

Ռուսաստանի իշխանությունները աջակցում են կոռուպցիայի դեմ մեր պայքարին. Փաշինյան

15:57 | 11.10.2018 | Քաղաքականություն

Ռուսաստանի իշխանությունները, այդ թվում ՌԴ նախագահը, ամբողջությամբ աջակցում են Հայաստանում կոռուպցիայի դեմ մեր պայքարին: Այս մասին France 24-ին տված հարցազրույցում նշել է ՀՀ վարչապետ Նիկոլ Փաշինյանը:

Հարցին, թե մտավախություն չունի՞, որ Ռուսաստանը կարող է միջամտել Հայաստանի ներքին գործերին, Փաշինյանը պատասխանել է, որ շատ է խոսվել Հայաստանում ռուսական ռազմակայանի առկայության մասին, որն իբր, ապացուցում է Հայաստանի ինքնիշխանության սահմանափակումը:

«Թույլ տվեք ասել, որ Հայաստանն այսօր ոչ պակաս անկախ երկիր է, որքան օրինակ, Ֆրանսիան: Հաշվի առնելով ներկա իրավիճակը, ես ինձ համարում եմ Հայաստանի ինքնորոշման երաշխավորը: Ես ուրախ եմ, որ մեր բոլոր գործընկերները, այդ թվում Ռուսաստանը, ամբողջությամբ հարգում են Հայաստանի անկախությունը: Ես բացարձակ ճշգրտությամբ կարող եմ ասել, որ ռուսական իշխանությունները, այդ թվում ՌԴ նախագահը, ամբողջությամբ աջակցում են կոռուպցիայի դեմ մեր պայքարին»,-ընդգծել է Փաշինյանը:

ՀՀ վարչապետը հիշեցրել է, որ Հայաստանում շարունակվում են կոռուպցիոն իրավախախտումների հետաքննությունները ինչպես ռուսական, այնպես էլ ֆրանսիական ու գերմանական ընկերությունների հետ կապված:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси