Մենք պետք է ջանք չխնայենք, որպեսզի կասեցնենք ծայրահեղության տարածումը, Մոնակոյի արքայազն

Մենք պետք է ջանք չխնայենք, որպեսզի կասեցնենք ծայրահեղության տարածումը, Մոնակոյի արքայազն

14:45 | 11.10.2018 | Քաղաքականություն

Միասին ապրելն ավելի հեշտ է, երբ խոսում ենք մեկ լեզվով: ՖՄԿ գագաթնաժողովին ելույթ ունենալիս այսպես ասաց Մոնակոյի արքայազն Ալբերտ 2-րդը:

Նա կարևոր համարեց միասնական ջանքերով ահաբեկչության, ծայրահեղականության դեմ պայքարը, ինչն ամբողջ մարդկության կարևոր խնդիրներից է:

«Աշխարհը հաճախ գտնվում է ճգնաժամային իրավիճակներում և այս առումով ՖՄԿ-ի գործունեությունն իմաստավորվում է»,- ասաց նա:

Ըստ Մոնակոյի արքայազնի՝ իրենք պարտավորվել են Ֆրանկոֆոնիայի արժեքները փոխանցել այն բոլոր երկրների բնակիչներին, որոնք մաս են կազմում կազմակերպությանը: «Հատկապես կանաց և տղամարդկանց հարաբերությունների տիրույթներում և ահաբեկչության դեմ պայքարում ՖՄԿ-ը ունի շատ անելիքներ՚,- ասաց նա:

Մոնակոն, ըստ նրա, իր չափով խթանում է ՖՄԿ-ի բոլոր արժեքների զարգացման գործընթացներում և այդ ամենի տարածումն ինտերնետային տիրույթում:

«Մենք չպետք է ջանք խնայենք, որպեսզի կասեցնենք ծայրահեղության տարածումը: Կարևոր է հատկապես կրթության զարգացումը»,- ասաց նա:

Նա նաև խոսեց բնապահպանական խնդիրների և դրանց վերացման անհրաժեշտության մասին: «Մենք պարտավոր ենք գործիքներ և օրենսդրություն մշակել, որպեսզի կարողանանք երաշխավորել փոխհամագործակցությունը բնության և մոլորակի պահպանման գործընթացում»,- ասաց նա:

 

 
 
 

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси