Թուրքիայի մշակույթի նախարարությունը գրաքննել է Դերսիմի կոտորածների մասին ֆիլմը

Թուրքիայի մշակույթի նախարարությունը գրաքննել է Դերսիմի կոտորածների մասին ֆիլմը

14:18 | 13.04.2017 | Հասարակություն

Թուրքիայի մշակույթի նախարարությունը գրաքննության է ենթարկել ռեժիսոր Քազըմ Օզի «Ոսկի» ֆիլմը, որի պրեմիերան կայացել է ապրիլի 11-ին Ստամբուլի կինոփառատոնի շրջանակներում: Ռեժիսորը նախարարության որոշումը բողոքելու համար յուրատեսակ քայլի է դիմել:

«Էրմենիհաբեր»-ի փոխանցմամբ,  «Ակօս» շաբաթաթերթը գրում է, որ ցուցադրման ընթացքում այն դրվագների ժամանակ, որոնք նախարարության պահանջով հանվել են, էկրանը սևացել է, իսկ վրան հայտնվել է հետևյալ գրությունը. «Այս դրվագը չեք կարող դիտել, քանի որ Թուրքիայի Հանրապետության մշակույթի նախարարության կինոյի գլխավոր վարչության խորհուրդը դրանք վիճելի է համարում»:

Ֆիլմի ցուցադրությունից հետո ռեժիսորը, մեկնաբանելով իր բողոքի ակցիան, նշել է, որ կատարվածը ինչ-որ բանի նախանշանն է:

«Կինոյում մութ շրջան է սկսվում, որի դեմ պետք է պայքարենք: Նախարարությունը, որը հենց ինքն է աջակցել ֆիլմի ստեղծման համար, ցույց է տալիս, թե որքան «ժողովրդավար» է իշխանության պահանջները իրականացնելու ուղղությամբ: Էկրանը սևացնելով ցանկանում էի բացահայտել, որ գրաքննություն է եղել»:

Ֆիլմը պատմում է Ժանի մասին: Նա գնում է մի երգի հետքերով, որը իր համար երգում էր 1938 թվականի Դերսիմի կոտորածներից փրկված տատիկը՝ Զարիֆեն:

Լրահոս