Hotel Merien Բարի Գործ հիմնադրամ
Սերժ Սարգսյանը չի ցանկանում զիջել իր կադրին, Կարեն Կարապետյանն առաջարկել է լուծում. ՀԺ

Սերժ Սարգսյանը չի ցանկանում զիջել իր կադրին, Կարեն Կարապետյանն առաջարկել է լուծում. ՀԺ

09:41 | 22.09.2016 | Մամուլ

«Հայկական ժամանակ» օրաթերթի տեղեկություններով, սեպտեմբերի 26-ին կառավարությունը Ազգային ժողովի արտահերթ նստաշրջան է հրավիրելու, իսկ քննարկվող հիմնական հարցերից մեկը լինելու է կառավարությունում կառուցվածքային փոփոխություն անելու մասին նախագիծը: Դրանով նախատեսվում է գործադիրի կազմում կատարել մի շարք ձեւափոխումներ` գերատեսչությունների միավորումներ, բաժանումներ, օպտիմալացում եւ այլն:

Կառավարության կառուցվածքին վերաբերող կարեւորագույն հարցը, որ հիմա քննարկվում է կառավարությունում, վերաբերում է ՀՀ պետեկամուտների կոմիտեին, որը, ըստ ամենայնի, կբաժանվի հարկային եւ մաքսային ծառայությունների: Խնդիրն այն է, որ Սերժ Սարգսյանը չի ցանկանում «կորցնել» ներկայիս ՊԵԿ նախագահ Հովհաննես Հովսեփյանին, իսկ Կարեն Կարապետյանը ցանկանում իր կադրերին նշանակել այդ ոլորտում:

ՊԵԿ-ի բաժանումը կարող է լինել երկու կողմերին մասնակի բավարարող լուծում:

Կա նաեւ Էկոնոմիկայի նախարարությունը նորից անվանափոխելու վերաբերյալ հարց եւ նման մի շարք այլ նախագծեր:

Ի դեպ, հավանականություն կա, որ այդ արտահերթ նստաշրջանի ժամանակ կարող է ներկայացվել նաեւ համաներման մասին նախագիծը, բայց մեր աղբյուրները հավաստիացնում են, որ այն տեղի կունենա ավելի ուշ՝ մինչեւ տարեվերջ»:

Առավել մանրամասն՝ թերթի այսօրվա համարում

 

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси