Hotel Merien Բարի Գործ հիմնադրամ
Կառավարության ձեւավորումը կսկսվի Գագիկ Բեգլարյանի որդու հարսանիքից հետո. ՀԺ

Կառավարության ձեւավորումը կսկսվի Գագիկ Բեգլարյանի որդու հարսանիքից հետո. ՀԺ

10:00 | 17.09.2016 | Մամուլ

«Հայկական ժամանակ» թերթը գրում է. «Մեզ հայտնի դարձավ, որ վարչապետ Կարեն Կարապետյանն իր կառավարությունը կսկսի ձեւավորել հաջորդ շաբաթվանից։ Իհարկե, նա դա կարող էր անել նաեւ այս շաբաթ, բայց մի փոքր ոչ պաշտոնական միջոցառում խանգարում է այդ գործընթացին։

Մենք արդեն գրել ենք, որ նախկին վարչապետ Հովիկ Աբրահամյանը հրաժարականից անմիջապես հետո մեկնել է Դուբայ, եւ Հայաստանից հեռանալու պատճառն այն է, որ նա չի ցանկացել մասնակցել տրանսպորտի եւ կապի նախարար Գագիկ Բեգլարյանի որդու հարսանիքին, որը տեղի է ունենալու այս հանգստյան օրերին։

Քանի որ այդ հարսանիքին մասնակցելու է իշխանական ողջ վերնախավը՝ նախարարներով ու պատգամավորներով, Հովիկ Աբրահամյանն այդպիսով խուսափել է ներկայանալ որպես նախկին վարչապետ, որն այլեւս որեւէ ազդեցություն չունի նրանց վրա։

Կառավարության ձեւավորումը կսկսվի Գագիկ Բեգլարյանի որդու հարսանիքից հետո, ամենայն հավանականությամբ այն պատճառով, որ այն չանցնի անտրամադիր մթնոլորտում, քանի որ հարսանիքին ներկա նախարարներից ոմանք չեն վերանշանակվի: Նույնը կարող է վերաբերել նաեւ Գագիկ Բեգլարյանին»:

Առավել մանրամասն՝ թերթի այսօրվա համարում

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси