Hotel Merien Բարի Գործ հիմնադրամ
Ադրբեջանցի ընդդիմադիրը 3 տարվա ազատազրկման է դատապարտվել

Ադրբեջանցի ընդդիմադիրը 3 տարվա ազատազրկման է դատապարտվել

17:23 | 15.03.2016 | Մամուլ

Բաքվի Նարիմանովի շրջանային դատարանում այսօր ընթերցվել է ընդդիմադիր «Ազգային ճակատ» կուսակցության ղեկավարման անդամ Մամեդ Իբրահիմի դատավճիռը։ Վերջինս 3 տարվա ազատազրկման է դատապարտվել, տեղեկացնում է contact.az-ը։

Նրա փաստաբան Յալչին Իմանովը հայտարարել է, որ դատավոր Թուրգայ Հուսեյնովի վճիռը զուրկ է իրավական հիմնավորումից։

Պաշտպանը մտադիր է բողոքարկել վճիռը։

 «Մենք չենք հավատում վերաքննիչ դատարանին, բայց այն մեզ անհրաժեշտ է դատական բոլոր փուլերն անցնելու համար, որպեսզի դիմենք Եվրոպական դատարան», -ասել է Իմանովը։

 Իբրահիմը ձերբակալվել էր անցյալ տարվա սեպտեմբերի 30-ին՝ խուլիգանության մեղադրանքով։ Հետո այն փոխվել էր ավելի ծանր պատիժ նախատեսող հոդվածով, որով Իբրահիմին մինչև 5 տարվա ազատազրկում էր սպառնում։

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси