Hotel Merien Բարի Գործ հիմնադրամ
Թո՛ղ միշտ խաղաղություն ու բարօրություն լինի ձեր ընտանիքներում և մեր հայրենիքում. Աբրահամյանը՝ կանանց

Թո՛ղ միշտ խաղաղություն ու բարօրություն լինի ձեր ընտանիքներում և մեր հայրենիքում. Աբրահամյանը՝ կանանց

12:00 | 08.03.2016 | Հասարակություն

ՀՀ վարչապետ Հովիկ Աբրահամյանի շնորհավորական ուղերձ է հղել  Կանանց տոնի առթիվ։ Այս մասին տեղեկանում ենք ՀՀ կառավարության տեղեկատվության և հասարակայնության հետ կապերի վարչությունից։

 Ուղերձում նշվում է.«Սիրելի՛ կանայք,


Ջերմորեն շնորհավորում եմ ձեզ Կանանց տոնի՝ Մարտի 8-ի առթիվ:

 Անգնահատելի է ձեր դերը մեր հայրենիքի, հայ ընտանիքի կայացման ու ամրապնդման, մատաղ սերնդի դաստիարակության, կրթության և ազգապահպանության գործում: Պատահական չէ, որ ձեր տոնը համընկնում է գարնան գալստյան, բնության զարթոնքի հետ, որը խորհրդանշում է նաև ձեր գեղեցկությունն ու բարությունը, կյանքը գունավորելու և նոր լիցքեր հաղորդելու ձեր կարողությունը:

 Թանկագին կանայք, մայրեր, քույրեր և դուստրեր, թող մշտապես գտնվեք ձեզ շրջապատող տղամարդկանց սիրո, ջերմության և հոգատարության ներքո, արժանանաք նրանց  գնահատանքին ու երախտագիտությանը:

 Եվս մեկ անգամ շնորհավորելով այս գեղեցիկ տոնի առթիվ՝ մաղթում եմ ձեզ անսահման սեր, երջանկություն, առողջություն և ընտանեկան ջերմություն: Թո՛ղ միշտ խաղաղություն ու բարօրություն լինի ձեր ընտանիքներում և մեր հայրենիքում»:

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси