Hotel Merien Բարի Գործ հիմնադրամ
Ընտրախախտումների վերաբերյալ Քննչական կոմիտեում 6 քրգործ են քննում

Ընտրախախտումների վերաբերյալ Քննչական կոմիտեում 6 քրգործ են քննում

20:35 | 10.12.2015 | Մամուլ

ՀՀ քննչական կոմիտեի Երեւանի քննչական վարչության Կենտրոն եւ Նորք-Մարաշ վարչական շրջանների քննչական բաժնում ստացվել է Երեւան քաղաքի Կենտրոն եւ Նորք-Մարաշ վարչական շրջանների դատախազի կողմից հարուցված քրեական գործը՝ այլ անձի փոխարեն քվեարկելու դեպքի առթիվ։

2015 թվականի դեկտեմբերի 6-ին «armlur.am» տեղեկատվական հարթակում տեղադրվել է «Ժողովուրդ» օրաթերթի լրագրողը քվեարկել է ուրիշի փոխարեն. Լրագրողական  հետաքննություն» վերտառությամբ հրապարարում եւ տեսանյութ, որի հիման վրա նախապատրաստված նյութերում, դատախազի գնահատմամբ, առկա են առերեւույթ հանցագործության հատկանիշներ։

Դատախազի կողմից քրեական գործ հարուցելու որոշման համաձայն՝ նշված դեպքի առթիվ նյութերի նախապատրաստման ընթացքում ձեռք բերված փաստական տվյալները վկայում են, որ լրագրողը քվեարկել է Երեւան քաղաքի Կենտրոն եւ Նորք Մարաշ վարչական շրջանների թիվ 9/12 տեղամասում։

Նախապատրաստված նյութերում եւ հիշյալ տեսանյութում «առերեւույթ առկա են կեղծ տվյալներ հայտնելու, կեղծ փաստաթուղթ ներկայացնելու կամ որեւէ  այլ եղանակով մեկից ավել անգամ կամ այլ անձի փոխարեն քվեարկելուն օժանդակելու հանցակազմի հատկանիշներ», եւ հարուցվել է քրեական գործ՝ ՀՀ քրեական օրենսգրքի 38-153-րդ հոդվածի հատկանիշներով։

Քրեական գործն ուղարկվել է Կենտրոն եւ Նորք-Մարաշ վարչական շրջանների քննչական բաժին՝ նախաքննություն կատարելու համար։

Քննության արդյունքների մասին տեղեկույթ կտրամադրվի լրացուցիչ։

Այսպիսով՝ ՀՀ Սահմանադրության փոփոխությունների հանրաքվեի քվեարկության օրը տեղի ունեցած ընտրական խախտումների վերաբերյալ դեկտեմբերի 9-ի դրությամբ ՀՀ քննչական կոմիտեի վարույթում քննվում է 6 քրեական գործ։

Լրահոս


Միակ Էկոնոմ դասի ավտովարձույթը Հայաստանում
Стоматологический центр Медеси